ກອງປະຊຸມລັດຖະມົນຕີກະຊວງສາທາລະນະສຸກຂອງກຸ່ມ 20 ປະເທດ ຫຼື G20 ທີ່ໄຂເປັນເວລາ2ວັນໄດ້ອັດລົງຢູ່ແບກແລງໃນວັນທີ 20 ພຶດສະພານີ້. ກອງປະຊຸມຄັ້ງນີ້ໄດ້ເອົາໃຈໃສ່ຕໍ່ຕ້ານການຂົ່ມຂູ່ຕໍ່ສຸຂະພາບໃນທົ່ວໂລກ, ແລະໄດ້ກ້າວເຖິງຂັ້ນອອກຖະແຫຼງການແບກແລງ.
ຖະແຫຼງການຂຽນວ່າ, ສຸຂະພາບແມ່ນຫົວຂໍ້ສຳຄັນໃນໄລຍະເຢຍລະມັນເປັນປະເທດປະທານ G20. ບັນດາຝ່າຍທີ່ຮ່ວມປະຊຸມເຫັນດີເພີ່ມທະວີຄວາມສະໜັບສະໜູນທາງການເມືອງຕໍ່ຫົວຂໍ້ດັ່ງກ່າວນີ້, ເພີ່ມທະວີການເຄື່ອນໄຫວແລະການຮ່ວມມືທົ່ວໂລກເພື່ອຮັບມຶກັບການທ້າທາຍ, ສະໜັບສະໜູນຖານະການນຳພາຂອງອົງການອະນາໄມໂລກໃນການຮ່ວມມືສຸຂະພາບທົ່ວໂລກ. ໃນໄລຍະກອງປະຊຸມ, ລັດຖະມົນຕີກະຊວງສາທາລະນະສຸກຂອງ G20, ຜູ້ຕາງໜ້າຂອງອົງການອະນາໄມໂລກແລະທະນາຄານໂລກໄດ້ລອກແບບກໍລະນີເກີດພະຍາດແຜ່ລາມຈະຄວບຄຸມວິກິດການແນວໃດ, ເຊິ່ງລວມທັງແຈ້ງສະພາບເຊິ່ງກັນແລະກັນ, ປະສານສົມທົບກັນ ສະກັດກັ້ນໂດຍໄວ ແລະອື່ນໆ.
ເຢຍລະມັນໄດ້ເປັນປະເທດປະທານ G20 ຖັດຈາກຈີນໃນເດືອນທັນວາປີ 2016 ຜ່ານມາ, ນີ້ແມ່ນ G20 ຈັດກອງປະຊຸມລັດຖະມົນຕີກະຊວງສາທາລະນະສຸກຄັ້ງທຳອິດ.
