ວັນທີ 20 ພຶດສະພານີ້, ທ່ານຢາງເຈສື ທີ່ປຶກສາແຫ່ງລັດຈີນໄດ້ລົມກັບທ່ານເຣັກທິເລີຊັນ ລັດຖະມົນຕີກະຊວງການຕ່າງປະເທດອາເມລິກາຜ່ານທາງໂທລະສັບ.
ທ່ານຢາງເຈສືກ່າວວ່າ, ຫຼັງຈາກທ່ານສີຈິ້ນຜີງ ປະທານປະເທດຈີນພົບປະກັບທ່ານໂດນັນ ທລຳ ປະທານາທິບໍດີອາເມລິກາຢູ່ມາອາລາໂກເປັນຕົ້ນມາ, ການພົວພັນລະຫວ່າງຈີນກັບອາເມລິກາໄດ້ຮັບຄວາມຄືບໜ້າອັນຕັ້ງໜ້າທີ່ສຳຄັນພາຍໃຕ້ການຊີ້ນຳຂອງຄວາມເປັນເອກະສັນກັນລະຫວ່າງປະມຸກລັດສອງປະເທດ. ໃນໄລຍະຕໍ່ໄປ, ສອງຝ່າຍຕ້ອງສືບຕໍ່ຈັດຕັ້ງປະຕິບັດຄວາມ ເປັນເອກະສັນກັນຂອງປະມຸກລັດສອງຊາດຈີນອາເມລິກາ, ຮັກສາທ່ວງທ່າການໄປມາຫາສູ່ກັນລະຫວ່າງເຈົ້າໜ້າທີ່ຂັ້ນສູງແລະອື່ນໆ, ຊຸກຍູ້ປະຕິບັດແຜນການ 100 ວັນແຫ່ງການຮ່ວມມືເສດຖະກິດ, ເປີດກວ້າງການຮ່ວມມືທີ່ຕິດແທດຕົວຈິງໃນຂົງເຂດຕ່າງໆ, ເພີ່ມທະວີການແລກປ່ຽນແລະປະສານສົມທົບກັນໃນບັນຫາສາກົນແລະພາກພື້ນທີ່ສຳຄັນ. ຈີນຍິນດີຮັກສາການແລກປ່ຽນກັນຢ່າງສະໜິດແໜ້ນກັບອາເມລິກາ, ຮ່ວມກັນເຮັດວຽກງານກະກຽມ ການສົນທະນາຄວາມຫມັ້ຍຄົງທາງການທູດລະຫວ່າງຈີນກັບອາເມລິກາຮອບທຳອິດໃນໄວໆນີ້, ຮັບປະກັນໃຫ້ການສົນທະນາໄດ້ຮັບຜົນສຳເລັດຢ່າງຈົບງາມ.
ທ່ານທິເລີເຊິນກ່າວວ່າ, ອາເມລິກາຍິນດີເພີ່ມທະວີການປຶກສາຫາລືກັບຈີນ, ກະກຽມການສົນທະນາຄວາມຫມັ້ນຄົງທາງການທູດລະຫວ່າງອາເມລິກາກັບຈີນຮອບທຳອິດໃຫ້ດີ, ແລະຫວັງວ່າການສົນທະນາຄັ້ງນີ້ຈະໄດ້ຮັບໝາກຜົນອັນຕັ້ງໜ້າ.
 |
