"ກິດຈະກຳໜຶ່ງແລວທາງໜຶ່ງເສັ້ນທາງ·ມອບແສງສະຫວ່າງດ້ວຍຄວາມເມດຕາຂອງຊາວຈີນຕ່າງດ້າວ" ເລີ່ມປະຕິບັດຢູ່ນະຄອນຢາງກຸ້ງເຊິ່ງເປັນເມືອງໃຫຍ່ອັນດັບທີໜຶ່ງຂອງມຽນມາໃນວັນທີ 20 ພຶດສະພານີ້, ໂດຍມີແຜນຈະຜ່າຕັດໃຫ້ແກ່ຜູ້ເປັນພະຍາດແກ່ນຕາຂຸ້ນ 200 ຄົນທີ່ທຸກຍາກຂອງທ້ອງຖິ່ນ.
ກິດຈະກຳເທື່ອນີ້ຈັດຂຶ້ນໂດຍມູນນິທິສາທາລະນະປະໂຫຍດຊາວຈີນຕ່າງດ້າວ, ສະມາຄົມຊາວຈີນຕ່າງດ້າວແຂວງຢຸນນານ, ແລະໂຮງໝໍຕາໄອ້ເອີ. ຫຼັງເດີນທາງໄປຮອດນະຄອນຢາງກຸ້ງໃນວັນທີ 19 ພຶດສະພານີ້ແລ້ວ, ໜ່ວຍປິ່ນປົວທີ່ມາຈາກໂຮງໝໍຕາໄອ້ເອີເມືອງຄຸນມິງໄດ້ຜ່າຕັດໃຫ້ແກ່ຄົນເຈັບ 40 ກວ່າຄົນໃນມື້ດັ່ງກ່າວ.
"ກິດຈະກຳມອບແສງສະຫວ່າງດ້ວຍຄວາມເມດຕາຂອງຊາວຈີນຕ່າງດ້າວ" ແມ່ນໜຶ່ງໃນໂຄງການສາທາລະນະປະໂຫຍດຂອງສະມາຄົມຊາວຈີນຕ່າງດ້າວ, ເລີ່ມຈັດຂຶ້ນເມື່ອປີ 2005 ແລະມາຮອດປັດຈຸບັນ, ໄດ້ຊ່ວຍເຫຼືອປະຊາຊົນທີ່ທຸກຍາກຂອງຈີນແລະຕ່າງປະເທດໝື່ນກວ່າຄົນ.