ກຳປູເຈຍເລີ່ມຈັດການເລືອກຕັ້ງລະດັບຕາແສງແລະເຂດຊຸດທີ 4

ການໂຄສະນາຫາສຽງການເລືອກຕັ້ງຂັ້ນຕາແສງແລະເຂດຊຸດທີ 4 ຂອງກຳປູເຈຍທີ່ຈະດຳເນີນເປັນເວລາ 14 ວັນນັ້ນໄດ້ເລີ່ມຈັດຂຶ້ນໃນວັນທີ 20 ພຶດສະພານີ້.

ພັກປະຊາຊົນກຳປູເຈຍໄດ້ຈັດງານໂຮມຊຸມນຸມໝື່ນຄົນ, ສົມເດັດໄຊຈຸມ ຮອງປະທານພັກປະຊາຊົນໄດ້ເປັນປະທານຈັດພິທີໂຄສະນາຫາສຽງໂດຍກ່າວວ່າ, ການໂຄສະນາຫາສຽງຂອງການເລືອກຕັ້ງທ້ອງຖິ່ນເທື່ອນີ້ຈະສິ້ນສຸດລົງໃນວັນທີ 2 ມິຖຸນາ, ໃນໄລຍະນີ້, ພັກປະຊາຊົນແລະຜູ້ສະໝັກຮັບເລືອກຕັ້ງຂອງພັກຕົນຈະຕິດຕໍ່ພົວພັນກັບຜູ້ມີສິດເລືອກຕັ້ງໂດຍກົງ, ແລະໂຄສະນານະໂຍບາຍຂອງພັກຕົນ. ແນວໃດກໍດີ, ເຊື່ອວ່າພັກປະຊາຊົນຈະໄດ້ຮັບໄຊຊະນະໃນການເລືອກຕັ້ງທີ່ຈັດຂຶ້ນໃນວັນທີ 4 ເດືອນໜ້າຄັ້ງນີ້.

ສ່ວນໂຄສົກພັກກູ້ຊາດກຳປູເຈຍເຊິ່ງເປັນພັກບໍ່ກຳອຳນາດກ່າວວ່າ, ການໂຄສະນາຫາສຽງທີ່ຈະດຳເນີນເປັນເວລາ 14 ວັນເທື່ອນີ້, ພັກຕົນວາງແຜນຈະໃຊ້ 3 ລ້ານໂດລາສະຫະລັດ, ທຶນດັ່ງກ່າວແມ່ນບໍລິຈາກໂດຍຜູ້ສະໜັບສະໜູນພາຍໃນແລະຕ່າງປະເທດ. ຂະນະດຽວກັນສຳນັກພັກກູ້ຊາດໃນ 25 ແຂວງແລະນະຄອນຈະຮັບຜິດຊອບຄ່າໃຊ້ຈ່າຍດ້ານການໂຄສະນາຂອງຕົນ.