ສະຫະພັນບານສົ່ງແຫ່ງຊາດລາວເປີດເຜີຍໃນວັນທີ 21 ພຶດສະພານີ້ວ່າ,ພ້ອມຈັດການແຂ່ງຂັນບານສົ່ງລະດັບຊາດແລະລະດັບສາກົນໃນປີ 2017 ນີ້ເຊັ່ນໃນເດືອນກໍລະກົດຈະແຂ່ງຂັນບານສົ່ງຊິງຂັນລັດຖະມົນກະຊວງການສຶກສາແລະກິລາແລະແຂ່ງຂັນບານສົ່ງຫາດຊາຍ U19 ອາຊີຊິງແຊ໊ມໃນທ້າຍປີນີ້.
ທ່ານອິນທະພອນ ແສງສະຫວ່າງ ຄູເຝິກບານສົ່ງຍິງສປປລາວກ່າວວ່າ,ປະເທດຕົນຈະສ້າງໂອກາດໃຫ້ນັກກິລາທີ່ເຂົ້າຮ່ວມແຂ່ງຂັນສາມາດຍົກລະດັບຂອງຕົນຢ່າງເຕັມທີ່ແລະມາເຖິງປັດຈຸບັນ,ກະຊວງປ້ອງກັນປະເທດ,ກະຊວງປ້ອງກັນຄວາມສະຫງົບແລະມະຫາວິທະຍາໄລແຫ່ງຊາດລາວໄດ້ຢືນຢັນຈະເຂົ້າຮ່ວມແຂ່ງຂັນບານສົ່ງຊິງຂັນລັດຖະມົນຕີກະຊວງການສຶກສາແລະກິລາແລ້ວ.
ທ່ານອິນທະພອນຍັງກ່າວຕື່ມວ່າ,ການແຂ່ງຂັນບານສົ່ງຫາດຊາຍ U19 ຊິງແຊ໊ມອາຊີຄັ້ງທີສອງຈະຈັດຂຶ້ນຢູ່ຫາດຊາຍແມ່ນ້ຳຂອງນະຄອນຫຼວງວຽງຈັນໂດຍນັກກິລາບານສົ່ງຫາດຊາຍທັງຊາຍແລະຍິງຂອງປະເທດຕົນຈະແຂ່ງຂັນກັບນັກກິລາປະເທດອ້ອມຂ້າງທີ່ເຂົ້າຮ່ວມ.
 |
