ຕາມຂ່າວສານຊິນຮວາ: ຫ້ອງການຄຸ້ມຄອງລະບົບນຳທາງດ້ວຍດາວທຽມຈີນໃຫ້ຮູ້ວ່າ,ຈີນແລະອາຣັບຈະຈັດເວທີປຶກສາຫາລືການຮ່ວມມືລະບົບນຳທາງເປີຍໂຕ່ວຄັ້ງທຳອິດຢູ່ຊຽງໄຮໃນວັນທີ 24 ພຶດສະພານີ້.
ເວທີປຶກສາຫາລືດັ່ງກ່າວຈະນຳໃຊ້ຫຼາຍວິທີເປັນຕົ້ນກອງປະຊຸມ,ການວາງສະແດງ,ການອົບຮົມແລະການແລກປ່ຽນລວມທັງສຸມໃສ່ການຜະລິດ,ການສຶກສາຄົ້ນຄວ້າແລະການນຳໃຊ້ລະບົບນຳທາງດ້ວຍດາວທຽມຂອງຈີນແລະອາຣັບຂະນະດຽວກັນກໍຈະພິຈາລະນາໂຄງການສ້າງລະບົບນຳທາງດ້ວຍດາວທຽມເປີຍໂຕ່ວຢູ່ອາຣັບຕື່ມອີກ.
ທ່ານຢາງສາງເຟີງ ນັກອອກແບບໃຫຍ່ລະບົບນຳທາງດ້ວຍດາວທຽມເປີຍໂຕ່ວຈີນກ່າວວ່າ,ຫຼັງມີການແລກປ່ຽນໃນປັດຈຸບັນແລ້ວຈຶ່ງເຫັນວ່າ,ປະເທດອາຣັບມີຄວາມຕ້ອງການຢ່າງຮີບດ່ວນໃນດ້ານຄວາມໝັ້ນຄົງທາງສັງຄົມ,ການຄົມມະນາຄົມຈໍລະຈອນສິນຄ້າ,ຄວາມໝັ້ນຄົງດ້ານພະລັງງານ,ການວັດແທກທີ່ດິນ,ກະສິກຳທີ່ແນ່ນອນແລະຕົວເມືອງແບບສະມາດເປັນຕົ້ນເຊິ່ງຜົນສຳເລັດໃນການນຳໃຊ້ລະບົບເປີຍໂຕ່ວຢູ່ປະເທດຈີນຈະສາມາດຕອບສະໜອງຄວາມຕ້ອງການເຫຼົ່ານີ້ໄດ້ແ.