ຕາມຂ່າວສານຈີນ: ການແຂ່ງຂັນລົດຖີບໃນສະໜາມກາງແຈ້ງຈີນ-ອາຊຽນ 2017 ໄດ້ຈັດຂຶ້ນຢູ່ແຫຼ່ງທ່ອງທ່ຽວໜອງຕ້າຫຼຸງເມືອງໜານໜິງຈີນໃນວັນທີ 21 ເດືອນນີ້ ໂດຍນັກກິລາລົດຖີບ 343 ຄົນຈາກຫວຽດນາມ, ຟີລິບປິນ, ບຣູໄນ, ອິນໂດເນເຊຍ, ຈີນແຜ່ນດິນໃຫຍ່ ແລະເຂດໄຕ້ຫວັນຈີນໄດ້ເຂົ້າຮ່ວມແຂ່ງຂັນ.
ທ່ານບຣາຕາຣາ ນັກກິລາອິນໂດເນເຊຍທີ່ປັດຈຸບັນອາຍຸ 51 ປີ ທັງເປັນຄູຝຶກລົດຖີບພູດອຍ ກ່າວວ່າ, ຈີນແລະອາຊຽນມີສາຍພົວພັນນັບມື້ແໜ້ນແຟ້ນໃນຂົງເຂດກິລາ ແລະຈາກນີ້ຈິ່ງຫວັງຈະຮ່ວມກັບຈີນຈັດການແຂ່ງຂັນລົດຖີບຢູ່ສະໜາມກາງແຈ້ງໃນອະນາຄົດ ແລະຮ່ວມກັນບຸກເບີກຕະຫຼາດລົດຖີບພູດອຍໃນສາກົນ.
ທ່ານຫຼູເວີນຢີ້ ຮອງຫົວໜ້າພະແນກກິລາເຂດປົກຄອງຕົນເອງເຜົ່າຈ້ວງກວາງຊີກ່າວວ່າ, ໃນຖານະເປັນເຂດເຊື່ອມຕໍ່ທາງພູມສາດຂອງ "ໜຶ່ງແລວທາງໜຶ່ງເສັ້ນທາງ", ເຂດກວາງຊີພວມພະຍາຍາມສົ່ງເສີມທ່າແຮງດ້ານກິລາໃຫ້ກ້າວສູ່ອາຊຽນ ແລະຕໍ່ໜ້າ, ຈະຫາທຸກວິທີທາງຈັດການແຂ່ງຂັນໃນລະດັບສາກົນ ເພື່ອຊຸກຍູ້ການພັດທະນາກິລາລົດຖີບຂອງປະເທດຕົນ.