ຕາມຂ່າວ CRI: ທ່ານຂົງສວນໂຢ້ ຜູ້ຊ່ວຍລັດຖະມົນຕີການຕ່າງປະເທດຈີນແລະທ່ານ ຢີໂກ ໂມກຸລົຟ ຮອງລັດຖະມົນຕີກະຊວງການຕ່າງປະເທດຣັດເຊຍໄດ້ປຶກສາຫາລືຢູ່ມົສກູໃນວັນທີ 22 ພຶດສະພານີ້, ໂດຍເນັ້ນແລກປ່ຽນຄວາມເຫັນກ່ຽວກັບບັນຫາແຫຼມເກົາຫຼີ.
ສອງຝ່າຍໄດ້ສະແດງຄວາມເປັນຫ່ວງຕໍ່ສະຖານະການທີ່ເຄັ່ງຕຶງຢູ່ແຫຼມເກົາຫຼີຫວ່າງມໍ່ໆມານີ້, ແລະເຫັນວ່າຄວນຍຶດໝັ້ນເປົ້າໝາຍບັນລຸແຫຼມເກົາຫຼີປອດອາວຸດນິວເຄຣຍ, ການຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ, ການແກ້ໄຂບັນຫາໂດຍຜ່ານການເຈລະຈາແລະການປຶກສາຫາລື. ຂະນະດຽວກັນສອງຝ່າຍກໍໄດ້ຢືນຢັນໃນຫຼັກໝັ້ນທີ່ບໍ່ອະນຸດຍາດໃຫ້ ເກີດສົງຄາມຢູ່ແຫຼາເກົາຫຼີແລະຄັດຄ້ານຝ່າຍໃດໜຶ່ງເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນອີກ. ນອກນີ້ສອງຝ່າຍຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງມີຄວາມພະຍາຍາມຢ່າງແທ້ຈິງເພື່ອຫຼຸດຜ່ອນສະຖານະການແຫຼມເກົາຫຼີແລະເປີດຂະບວນການເຈລະຈາຄືນໃໝ່.
ສອງຝ່າຍຍັງໄດ້ຢ້ຳຄວມຄັດຄ້ານຢ່າງເດັດດ່ຽວຕໍ່ການຕິດຕັ້ງລະບົບ "ທັດ" ຢູ່ສ ເກົາຫຼີຂອງອາເມລິກາ.