ກອງປະຊຸມອະນາໄມໂລກຄັ້ງທີ 70 ໄດ້ໄຂຂຶ້ນຢູ່ຫໍນາໆຊາດເຊີແນວໃນຕອນເຊົ້າວັນທີ 22 ພຶດສະພານີ້, ໂດຍຜູ້ຕາງໜ້າຈາກ 194 ສະມາຊິກຂອງອົງການອະນາໄມໂລກຈະສຸມໃສ່ຫາລືບັນຫາຈຸດສຸມດ້ານສາທາລະນະສຸກຂອງໂລກ, ລວມທັງການເລືອກຕັ້ງຜູ້ອຳນວຍການໃຫຍ່ອົງການອະນາໄມໂລກຊຸດໃໝ່ແລະອື່ນໆ, ຂະນະດຽວກັນກໍຄາດວ່າໃນໄລຍະ 10 ວັນຂອງການດຳເນີນກອງປະຊຸມຄັ້ງນີ້ຈະຮັບຮອງເອົາມະຕິແລະຂໍ້ຕົກລົງກ່ຽວກັບວຽກງານສາທາລະນະສຸກ.
ກອງປະຊຸມເຫັນວ່າເນື່ອງນາກທ່ານນາງມາກາເລັດຈັນ, ຜູ້ອຳນວຍການໃຫຍ່ອົງການອະນາໄມໂລກຈະໝົດວາລະການດຳລົງຕຳແໜ່ງ, ຂອງກອງປະຊຸມມີຄວາມຈຳເປັນຕ້ອງໄດ້ເລືອກຕັ້ງຜູ້ອຳນວຍການໃຫຍ່ຊຸດໃໝ່ໃນຕອນບ່າຍວັນທີ 23 ເດືອນນີ້. ນອກນີ້, ຜູ້ແທນທີ່ເຂົ້າຮ່ວມກອງປະຊຸມຈະໄດ້ຫາລືໃນຫົວຂໍ້ຕ່າງໆຄື: ການຮັບມືສຸກເສີນກັບເຫດການຂະໜາດໃຫຍ່, ພິຈາລະນາແລະກວດກາຂອບປ້ອງກັນພະຍາດໄຂ້ຫວັດໃຫຍ່ແຜ່ລະບາດ, ແກ້ໄຂບັນຫາຢຸກຢາແລະວັກແຊງທີ່ຂາດເຂີນຂອງໂລກແລະບັນຫາທີ່ອາດຈະເກີດຂຶ້ນ, ແລະທີ່ສຳຄັນຈະເນັ້ນສົ່ງເສີມສຸຂະພາບຂອງຊາວອົບພະຍົບແລະຜູ້ຍົກຍ້າຍຖິ່ນຖານແລະອື່ນໆຕື່ມອີກ.