ສື່ມວນຊົນຟີລິບປິນລາຍງານວ່າ: ທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນທີ່ກຳລັງຢ້ຽມຢາມຣັດເຊຍ ໄດ້ຖະແຫຼງໃນວັນທີ 23 ພຶດສະພານີ້ວ່າ: ຈະປະກາດກົດໄອຍະການເສິກເປັນເວລາ 60 ວັນຢູ່ເກາະມິນດານາວແລະແຫ່ງອື່ນໆຢູ່ພາກໃຕ້ປະເທດຕົນເພື່ອເປີດຊ່ອງທາງໃຫ້ທະຫານ,ຕຳຫຼວດຂອງລັດຖະບານສາມາດຄວບຄຸມແລະປາບປາມກຸ່ມຣັກຕັກມາວເຕແລະກຸ່ມຕໍ່ຕ້ານລັດຖະບານອື່ນໆທີ່ຢູ່ເກາະມິນດານາວໃນປັດຈຸບັນ. ຂະນະທີ່ທ່ານອາເລັນປີເຕີຄາເຢຕາໂນ ລັດຖະມົນຕີການຕ່າງປະເທດຟີລິບປິນຢືນຢັນວ່າ ທ່ານດູເຕີເຕທີ່ຫາກໍ່ເດີນທາງເຖິງຣັດເຊຍນັ້ນຈະຫຼຸດເວລາການຢ້ຽມຢາມລົງເພື່ອເດີນທາງກັບຄືນປະເທດໂດຍໄວເທົ່າທີ່ຈະໄວໄດ້.
ວັນທີ 23 ພຶດສະພານີ້, ກອງທັບແລະເຈົ້າໜ້າທີ່ຕຳຫຼວດຟີລິບປິນໄດ້ປະທະກັບກຸ່ມປະກອບອາວຸດຣັກຕັກມາວເຕແລະກຸ່ມປະກອບອາວຸດອາບູຊາຢັບຢູ່ເມືອງມາລາວີເກາະມິນດານາວ ເຊິ່ງເຮັດໃຫ້ເຈົ້າໜ້າທີ່ຕຳຫຼວດໜຶ່ງຄົນຂະນະທີ່ທະຫານສອງຄົນເສຍຊີວິດແລະອີກ 12 ຄົນບາດເຈັບ.