ວັນທີ 23 ພຶດສະພານີ້, ທ່ານນາງ ເທເຣຊາ ເມ ນາຍົກລັດຖະມົນຕີອັງກິດໄດ້ກ່າວປະນາມເຫດໂຈມຕີກໍ່ການຮ້າຍແບບສະຫຼະຊີບທີ່ເກີດຂຶ້ນຢູ່ເມືອງແມນເຊສເຕີໃນຕອນຄ່ຳວັນທີ 22 ພຶດສະພານີ້ ໂດຍໄດ້ເຮັດໃຫ້ທົ່ວສັງຄົມຕົກໃຈ. ຂະນະທີ່ເຈົ້າໜ້າທີ່ຕຳຫຼວດອັງກິດກໍໄດ້ປະກາດວ່າສາມາດຈັບຜູ້ຕ້ອງສົງໄສຜູ້ໜຶ່ງທີ່ມີສ່ວນກ່ຽວຂ້ອງກັບເຫດໂຈມຕີກໍ່ການຮ້າຍດັ່ງກ່າວ.
ທ່ານນາງ ເທເຣຊາ ເມ ໄດ້ຮຽກປະຊຸມສຸກເສີນຢູ່ນະຄອນຫຼວງລອນດອນໃນຕອນເຊົ້າມື້ດຽວກັນ ແລະ ຫຼັງກອງປະຊຸມໄດ້ກ່າວວ່າ: ເຈົ້າໜ້າທີ່ຕຳຫຼວດແລະເຈົ້າໜ້າທີ່ປ້ອງກັນຄວາມໝັ້ນຄົງຂອງອັງກິດສາມາດຮູ້ອັດຕະລັກຂອງຜູ້ກໍ່ເຫດໂຈມຕີແລ້ວ, ແຕ່ເພື່ອຮັບປະກັນໃຫ້ແກ່ການສືບສວນໃນກໍລະນີທີ່ວ່າຜູ້ໂຈມຕີມີກຸ່ມດຽວຫຼືບໍ່ນັ້ນ ກໍຈະບໍ່ເປີດເຜີຍຂໍ້ມູນຂອງຜູ້ໂຈມຕີ.
ຫຼັງຈາກທ່ານນາງ ເທເຣຊາ ເມ ປາໄສແລະໃນເວລາຕໍ່ມາ,ເຈົ້າໜ້າທີ່ຕຳຫຼວດເມືອງແມນເຊສເຕີກໍໄດ້ປະກາດວ່າ: ສາມາດຈັບຜູ້ຕ້ອງສົງໄສທີ່ມີສ່ວນກ່ຽວຂ້ອງກັບເຫດໂຈມຕີແບບກໍ່ການຮ້າຍຄັ້ງນີ້ໄດ້ແລ້ວ ໂດຍຜູ້ຕ້ອງສົງໄສ ແມ່ນຜູ້ຊາຍອາຍຸ 23 ປີ.