ວິທະຍຸສາກົນແຫ່ງປະເທດຈີນລາຍງານວ່າ:ເວລາ 15 ໂມງ 59 ນາທີຂອງວັນທີ 23 ພຶດສະພານີ້ ຕາມເວລາທ້ອງຖິ່ນ,ຍານດຳນ້ຳບັນທຸກຄົນ "ຈຽວຫຼົງ"ໄດ້ສຳເລັດການປະຕິບັດໜ້າທີ່ເປັນຄັ້ງທຳ ອິດຂັ້ນຕອນທີ 3 ເທື່ອທີ 38 ຢູ່ມະຫາສະໝຸດຫຼືການລົງສູ່ນ້ຳຄັ້ງທີ 143 ເຊິ່ງເປັນການດຳນ້ຳ ດ້ານວິສະວະກຳໂດຍເລັງໃສ່ບໍລິເວນສຳຫຼວດຢູ່ເບື້ອງເໜືອຮ່ອງທະເລມາຣີອານາທີ່ເປັນບ່ອນເລິກສຸດໃນໂລກໂດຍນັກດຳນ້ຳຢູ່ໃນນ້ຳເກືອບ 9 ຊົ່ວໂມງແລະໄດ້ເຮັດວຽກໃຕ້ທະເລ 3 ຊົ່ວໂມງ 11 ນາທີແລະດຳລົງສູ່ບ່ອນເລິກສຸດ 4811 ແມັດ.
ທ່ານເສີນຊິນຮວາ ຫົວໜ້ານັກວິທະຍາສາດສຳລັບຂັ້ນຕອນນີ້ກ່າວວ່າ,ຕົວຢ່າງຫີນທີ່ເກັບມາໄດ້ຈາກການດຳນ້ຳເທື່ອນີ້ມີຄວາມໝາຍສຳຄັນຕໍ່ການສຶກສາຄົ້ນຄວ້າສາເຫດໃນການກໍ່ຕົວແລະວິວັດທະນາການຂອງຮ່ອງທະເລມາຣີອານາ.ຂະນະດຽວກັນຕົວຢ່າງຊີວະຊາດທີ່ເກັບກຳໄດ້ກໍມີຄຸນຄ່າສຳຄັນຕໍ່ການສຶກສາຄົ້ນຄວ້າຊີວະນານາພັນນ້ຳເລິກ,ລະບົບນິເວດວິທະຍາແລະພູມສາດຊີວະຊາດເປັນຕົ້ນ.