ວິທະຍຸສາກົນແຫ່ງປະເທດຈີນລາຍງານວ່າ: ມື້ນີ້,ມຽນມາໄດ້ຈັດ "ກອງປະຊຸມປາງລອງ
ສະຕະວັດທີ 21" ຄັ້ງທີສອງຢູ່ນະຄອນຫຼວງເນປີດໍໂດຍກອງປະຊຸມດັ່ງກ່າວຈະດຳເນີນເປັນເວລາ 5 ວັນໂດຍມີຜູ້ຕາງໜ້າຈາກ 7 ກຸ່ມກຳລັງປະກອບອາວຸດຊົນເຜົ່າທີ່ຍັງບໍ່ທັນລົງນາມໃນສັນຍາຢຸດຍິງທົ່ວປະເທດແລະອີກ 8 ກຸ່ມທີ່ລົງນາມໃນສັນຍາແລ້ວພ້ອມທັງອີກຫຼາຍກຸ່ມທີ່ຍັງບໍ່ທັນລົງນາມໃນສັນຍາໄດ້ເຂົ້າຮ່ວມ.
ທ່ານຊຸນໂກສຽງ ທູດພິເສດວຽກງານອາຊີກະຊວງການຕ່າງປະເທດຈີນທີ່ເຂົ້າຮ່ວມກອງປະຊຸມ ຄັ້ງນີ້ໄດ້ກ່າວໃນວັນທີ 23 ພຶດສະພານີ້ວ່າ,ນີ້ແມ່ນ "ກອງປະຊຸມປາງລອງສະຕະວັດທີ 21" ທີ່ມີກຸ່ມກຳລັງປະກອບອາວຸດເປັນຈຳນວນຫຼາຍເຂົ້າຮ່ວມເຊິ່ງກໍຫວັງວ່າກອງປະຊຸມຄັ້ງນີ້ຈະກາຍເປັນຈຸດເລີ່ມຕົ້ນໃໝ່ແລະຈະຕັ້ງໜ້າເສີມຂະຫຍາຍບົດບາດຕໍ່ຂະບວນການສັນຕິພາບໃນຂັ້ນຕໍ່ໄປ.