"ໜັງສືພິມ Business Recorder" ປາກິສະຖານສະບັບວັນທີ 22 ເດືອນນີ້ລາຍງານວ່າ, ວິສາຫະກິດຈີນຈະມອບຂະບວນລົດໄຟງວດທຳອິດ 27 ຂະບວນໃຫ້ອຳນາດການປົກຄອງເມືອງລາຮໍປະເທດຂອງຕົນ ແລະອີກ 26 ຂະບວນທີ່ເຫຼືອນັ້ນຈະມອບກ່ອນທ້າຍປີນີ້ ເຊິ່ງຈະເປັນລົດໄຟໃຕ້ດິນ ຫຼື ລົດໄຟລາງເບົາສາຍທຳອິດຂອງປະເທດ.
ລັດຖະບານຈີນແລະປາກິສະຖານໄດ້ເຊັນສັນຍາໂຄງການລົດໄຟລາງເບົາດັ່ງກ່າວເມື່ອເດືອນເມສາປີ 2015 ເຊິ່ງເປັນໂຄງການລົດລາງໃນເມືອງຂະໜາດໃຫຍ່ທຳອິດ ພາຍໃນຂອບແລວທາງເສດຖະກິດຈີນ-ປາກິສະຖານ. ໂຄງການນີ້ຍາວ 26 ກິໂລແມັດ ແລະມີ 26 ສະຖານີ ເຊິ່ງກວມເອົາທັງ 2 ສະຖານີຢູ່ໃຕ້ດິນ ພ້ອມກັນນັ້ນ, ໂຄງການຍັງໄດ້ໃຊ້ລະບົບເຄື່ອງປັບອາກາດແບບປະຢັດ ເຊິ່ງແທດເໝາະກັບອາກາດຮ້ອນເອົ້າໃນລະດູຮ້ອນຂອງປາກິສະຖານ ແລະມີຄວາມໄວສູງສຸດ 80 ກິໂລແມັດຕໍ່ຊົ່ວໂມງ.
 |
