ວັນທີ 25 ພຶດສະພານີ້, ເຈົ້າໜ້າທີ່ຕຳຫຼວດອິນໂດເນເຊຍໄດ້ອອກມາຢືນຢັນວ່າ: ໃນຕອນຄ່ຳວັນທີ 24 ພຶດສະພານີ້, ຢູ່ສະຖານີລົດເມເຂດຕາເວັນອອກນະຄອນຫຼວງຈາກາຕາໄດ້ເກີດເຫດໂຈມຕີດ້ວຍລະເບີດແບບສະຫຼະຊີບສອງຄັ້ງ ເຮັດໃຫ້ຢ່າງໜ້ອຍມີປະຊາຊົນ 5 ຄົນເສຍຊີວິດ ແລະ 10 ຄົນບາດເຈັບ.
ໂຄສົກກົມຕຳຫຼວດແຫ່ງຊາດອິນໂດເນເຊຍໄດ້ຖະແຫຼງຂ່າວວ່າ: ຜົນການກວດກາເບື້ອງຕົ້ນສະແດງໃຫ້ເຫັນວ່າ: ການໂຈມຕີດ້ວຍລະເບີດແບບສະຫຼະຊີບສອງຄັ້ງດັ່ງກ່າວໄດ້ເຮັດໃຫ້ຜູ້ກໍ່ເຫດ 2 ຄົນ ແລະ ຕຳຫຼວດ 3 ຄົນເສຍຊີວິດ, ຂະນະດຽວກັນກໍມີຕຳຫຼວດອີກ 5 ຄົນແລະປະຊາຊົນ 5 ຄົນບາດເຈັບ. ໂຄສົກທ່ານນີ້ກ່າວອີກວ່າ: ຂະນະທີ່ເກີດເຫດລະເບີດ,ຕຳຫຼວດພວມເວນຍາມ,ສ່ວນຜູ້ກໍ່ເຫດເປັນຜູ້ຊາຍສອງຄົນແລະໃນອີກບໍ່ດົນ,ເຈົ້າໜ້າທີ່ຕຳຫຼວດຈະເປີດເຜີຍອັດຕະລັກຂອງຜູ້ກໍ່ເຫດ.