ວັນທີ 24 ພຶດສະພານີ້ຢູ່ສຸເຫຼົ່າອິສລາມເຈີ້ງເຮີຊຸຣາບາຢາ, ສະຖານກົງສຸນໃຫຍ່ຈີນປະຈຳຊຸຣາບາຢາປະເທດອິນໂດເນເຊຍໄດ້ມອບປຶ້ມ,ຮ້ານປຶ້ມແລະອຸປະກອນການຮຽນຕ່າງໆເປັນຄັ້ງທີ 4 ໃຫ້ແກ່ສູນອົບຮົມສາສະໜາມຸສລິມ 10 ແຫ່ງຂອງແຂວງຈາວາຕາເວັນອອກ.
ທ່ານ ກູ້ຈິງຊີ ກົງສຸນໃຫຍ່ຂອງສະຖານກົງສຸນໃຫຍ່ຈີນປະຈຳຊຸຣາບາຢາກ່າວໃນໂອກາດເຂົ້າຮ່ວມພິທີດັ່ງກ່າວວ່າ: ຜ່ານມາໄດ້ຈັດກິດຈະກຳ 3 ປີລຽນຕິດແລ້ວໂດຍໄດ້ມອບປຶ້ມ 25.000 ເຫຼັ້ມໃຫ້ແກ່ໂຮງຮຽນແລະສູນອົບຮົມສາສະໜາມຸສລິມເກືອບ 40 ແຫ່ງຢູ່ທ້ອງຖິ່ນ. ທັງນີ້ກໍເພື່ອຊຸກຍູ້ແລະສົ່ງເສີມນ້ຳໃຈໄມຕີຈິດມິດຕະພາບລະຫວ່າງຈີນ-ອິນໂດເນເຊຍທັງເປັນການເພີ່ມທະວີການຮ່ວມມືດ້ານວັດທະນະທຳແລະການສຶກສາແລະເຮັດໃຫ້ໂຮງຮຽນທ້ອງຖິ່ນໄດ້ມີປຶ້ມອ່ານເພີ່ມຫຼາຍຂຶ້ນ. ປະທານສະຫະພັນມຸສລິມອິນໂດເນເຊຍສາຂາຈາວາຕາເວັນອອກກ່າວວ່າ: ກິດຈະກຳດັ່ງກ່າວບໍ່ພຽງແຕ່ໄດ້ເຮັດໃຫ້ການເຊື່ອມສານຈິດໃຈລະຫວ່າງປະຊາຊົນຂອງສອງປະເທດໃຫ້ໃກ້ຊິດກັນຫຼາຍຂຶ້ນເທົ່ານັ້ນ,ແຕ່ຍັງເປັນແບບຢ່າງຂອງການຊ່ວຍເຫຼືອແລະຄວາມກ້າວໜ້າຮ່ວມກັນລະຫວ່າງບັນດາຊົນເຜົ່າສ່ວນໜ້ອຍອີກດ້ວຍ.