ຕາມຂ່າວສານຈີນ: ກຸ່ມບໍລິສັດນ້ຳມັນເຊື້ອໄຟແລະອາຍແກັສທຳມະຊາດຈີນໄດ້ເຜີຍແຜ່ "ບົດລາຍງານໜ້າທີ່ຕໍ່ສັງຄົມຂອງວິສາຫະກິດທໍ່ສົ່ງນ້ຳມັນເຊື້ອໄຟແລະອາຍແກັສທຳມະຊາດຈີນ-ມຽນມາ" ຢູ່ນະຄອນຢາງກຸງປະເທດມຽນມາໃນວັນທີ 25 ເດືອນນີ້ວ່າ, ໂຄງການດັ່ງກ່າວໄດ້ສ້າງວຽກເຮັດງານທຳໃຫ້ມຽນມາຢ່າງຫຼວງຫຼາຍ ໂດຍໄດ້ຈ້າງພະນັກງານກວມເຖິງ 75%.
ທ່ານວາງຈື້ກ່າງ ເລຂາທິການຄະນະປະທານ ທັງເປັນຫົວໜ້າຫ້ອງການກຸ່ມບໍລິສັດດັ່ງກ່າວເປີດເຜີຍວ່າ, ບົດລາຍງານດັ່ງກ່າວໄດ້ສະແດງໃຫ້ເຫັນວ່າ, ນັບແຕ່ມື້ລົງມືກໍ່ສ້າງຈົນເຖິງປັດຈຸບັນ, ໂຄງການດັ່ງກ່າວໄດ້ປະກອບສ່ວນຕໍ່ການພັດທະນາເສດຖະກິດແລະສັງຄົມຂອງທ້ອງຖິ່ນຢ່າງຫຼວງຫຼາຍ ແລະ ບໍລິສັດກໍໄດ້ພະຍາຍາມຮັກສາຄວາມປອດໄພໃນການຜະລິດ, ອະນຸລັກສິ່ງແວດລ້ອມ, ອົບຮົມກໍ່ສ້າງພະນັກງານ ແລະຊ່ວຍເຫຼືອສັງຄົມ.