ຕາມຂ່າວສານຊິນຮວາ: ກະຊວງການຄ້າແລະອຸດສາຫະກຳສິງກະໂປເປີດເຜີຍໃນວັນທີ 25 ເດືອນນີ້ ວ່າ, ເຖິງວ່າລວມຍອດຜະລິດຕະພັນພາຍໃນ ຫຼື GDP ໃນໄຕມາດທີໜຶ່ງປີນີ້ໄດ້ເພີ່ມຂຶ້ນ 2,7% ແຕ່ກໍຍັງຕ່ຳກວ່າຈັງຫວະເຕີບໂຕໃນໄຕມາດທີ 4 ຂອງປີຜ່ານມາທີ່ບັນລຸ 2,9%.
ຈາກນີ້ຈິ່ງເຫັນວ່າ, ເສດຖະກິດຂອງສິງກະໂປໄດ້ຫຼຸດລົງ 1,3% ເມື່ອທຽບໃສ່ໄຕມາດທີ 4 ຂອງປີຜ່ານມາ, ແຕ່ກໍດີກວ່າທີ່ຕັ້ງໄວ້ລ່ວງໜ້າ1,9%.
ເຈົ້າໜ້າທີ່ກະຊວງການຄ້າແລະອຸດສາຫະກຳກ່າວວ່າ, ຂະແໜງການຜະລິດໄດ້ເປັນເສົາຄ້ຳທີ່ຮັບປະກັນເຮັດໃຫ້ GDP ໃນໄຕມາດທີໜຶ່ງ ເຕີບໂຕເພີ່ມຂຶ້ນ 8%. ຂະແໜງການຂົນສົ່ງແລະລະບົບສາງໄດ້ເພີ່ມຂຶ້ນ 4,2% ແລະເປັນອັນດັບ 2, ແຕ່ຕ່ຳກວ່າຈັງຫວະເຕີບໂຕທີ່ຕັ້ງໄວ້ໃນໄຕມາດກ່ອນ 5,4%. ເຈົ້າໜ້າທີ່ກະຊວງດັ່ງກ່າວເຫັນວ່າ, ຂະແໜງການທີ່ກ່ຽວຂ້ອງກັບການຄ້າ ເຊັ່ນ: ຂະແໜງການຜະລິດ, ຂະແໜງການຂົນສົ່ງແລະລະບົບສາງ ແລະອື່ນໆ ຈະສືບຕໍ່ເປັນເສົາຄ້ຳໃນການພັດທະນາເສດຖະກິດຂອງຕົນ.
 |
