ກອງປະຊຸມສຸດຍອດກຸ່ມ 7 ປະເທດໄດ້ໄຂຂຶ້ນຢູ່ເມືອງຕາວມີນາ ປະເທດອີຕາລີໃນວັນທີ 26 ພຶດສະພານີ້ ໂດຍຜູ້ນຳ 7 ປະເທດຄື ອາເມລິກາ,ເຢຍລະມັນ,ອັງກິດ, ຝຣັ່ງ,ອີຕາລີ, ການາດາແລະຍີ່ປຸ່ນເຂົ້າຮ່ວມຕະຫຼອດ 2 ມື້,ຜູ້ເຂົ້າຮ່ວມກອງປະຊຸມຈະເນັ້ນຫາລືບັນຫາຄວາມໝັ້ນຄົງແລະການຕ້ານການກໍ່ການຮ້າຍເປັນສຳຄັນແລະເລັ່ງດ່ວນທີ່ສຸດ.
ຫຼັງຫາລືໃນມື້ທຳອິດ, ທີ່ປະຊຸມໄດ້ອອກຖະແຫຼງການຮ່ວມໂດຍໃຫ້ຄຳໝັ້ນສັນຍາຈະສຸມໃສ່ຕໍ່ຕ້ານລັດທິກໍ່ການຮ້າຍຢ່າງແຂງແຮງ ແລະ 7 ປະເທດຈະສຸມທຸກຄວາມພະຍາຍາມ ປ້ອງກັນ,ສືບສວນແລະກ່າວຟ້ອງກຸ່ມກໍ່ການຮ້າຍພ້ອມຜູ້ສະໜັບສະໜູນ ທັງຈະຍົກລະດັບ ຕ້ານການເຄື່ອນໄຫວກໍ່ການຮ້າຍໃຫ້ຂຶ້ນສູ່ລະດັບສູງໃໝ່ແລະເຂັ້ມແຂງຕື່ມອີກ. ຂະນະດຽວກັນ,ຜູ້ນຳ 7 ປະເທດດັ່ງກ່າວຍັງໃຫ້ສັນຍາວ່າ ຈະໃຊ້ມາດຕະການທີ່ເດັດຂາດປາບປາມການເຄື່ອນໄຫວກໍ່ການຮ້າຍທາງອິນເຕີເນັດແລະໃຊ້ມາດຕະການຄວບຄຸມບໍ່ໃຫ້ຜູ້ປະກອບອາວຸດຕ່າງປະເທດຈາກເຂດປະທະກັນກະຈາຍອອກສູ່ພາຍນອກ, ພ້ອມທັງໃຊ້ມາດຕະການຕັດແຫຼ່ງທຶນແລະຊ່ອງທາງລະດົມທຶນສະໜັບສະໜູນການກໍ່ການຮ້າຍ.