ບໍລິສັດກໍ່ສ້າງທາງລົດໄຟຈີນຈຳກັດຫຼືCRCCແຈ້ງໃຫ້ຊາບວ່າ: ໂຮງແຮມFour Seasons ສູງ 342,5 ແມັດເຊິ່ງເປັນອາຄານສູງອັນດັບ 2 ຂອງມາເລເຊຍທີ່ບໍລິສັດຕົນຮັບເໝົາກໍ່ສ້າງນັ້ນໄດ້ສຳເລັດການກໍ່ສ້າງດາດຟ້າແລ້ວໃນວັນທີ 26 ພຶດສະພານີ້.
ບໍລິສັດCRCC ໄດ້ປະສົບຜົນສຳເລັດໃນການກໍ່ສ້າງ 20 ກວ່າໂຄງການເປັນຕົ້ນ ທາງລົດໄຟ,ທາງຫຼວງ, ອາຄານແລະອື່ນໆ. ສຳລັບທົ່ວບໍລິເວນລຽບຕາມ"ໜຶ່ງແລວທາງໜຶ່ງເສັ້ນທາງ", ບໍລິສັດດັ່ງກ່າວກໍໄດ້ຕັ້ງສຳນັກງານແລະໄດ້ປະຕິບັດໂຄງການ ຢູ່ 41 ປະເທດເຊິ່ງກວມເອົາທັງທາງລົດໄຟ,ທາງຫຼວງ,ສະໜາມບິນ,ທ່າກຳປັ່ນແລະອື່ນໆ. ປີ 2016 ຜ່ານມາ, ບໍລິສັດນີ້ໄດ້ເຊັນສັນຍາໃໝ່ກ່ຽວກັບ"ໜຶ່ງແລວທາງໜຶ່ງເສັ້ນທາງ"ທີ່ມີມູນຄ່າ4 ຕື້ກວ່າໂດລາສະຫະລັດ ແລະມີຜົນກຳໄລ 2 ຕື້ກວ່າໂດລາສະຫະລັດ.