ຕາມສຳນັກຂ່າວສານສູນກາງຂອງ ສປປ ເກົາຫຼີ ລາຍງານໃນວັນທີ 28 ພຶດສະພານີ້ວ່າ: ວັນທີ 27 ພຶດສະພານີ້, ໂຄສົກຄະນະກຳມະການຮັກສາສັນຕິພາບເພື່ອປະເທດຊາດຂອງ ສປປ ເກົາຫຼີ ກ່າວວ່າ: ໄດ້ມີປະຊາຊົນ ສ.ເກົາຫຼີ ນັບມືນັບຫຼາຍໄດ້ຮຽກຮ້ອງໃຫ້ຍົກເລີກການຈັດວາງລະບົບລູກສອນໄຟນຳວິຖີຊັດ, ລັດຖະບານ ສ.ເກົາຫຼີ ຄວນເຮັດວຽກໄປຕາມປະຊາມະຕິແລະຢຸດຕິການຈັດວາງລະບົບດັ່ງກ່າວ, ບໍ່ຄວນໃຊ້ທ່າທີທີ່ມະລຸມມະລ້ວຍ.
ນອກນີ້,ບຸກຄົນລັດຖະບານ ສ.ເກົາຫຼີ ກ່າວໃນຫວ່າງມໍ່ໆນີ້ວ່າ: ສ.ເກົາຫຼີ ສາມາດພິຈາລະນາເອົາການຢຸດຕິການຈັດວາງລະບົບລູກສອນໄຟນຳວິຖີຊັດ ມາແລກເອົາ ການຢຸດຕິການທົດລອງອາວຸດນິວເຄລຍຂອງ ສປປ ເກົາຫຼີ, ເພື່ອຜ່ອນຄາຍສະຖານະການເຄັ່ງຕຶງຂອງແຫຼມເກົາຫຼີແລະປັບປຸງການພົວພັນລະຫວ່າງເໜືອໃຕ້ໃຫ້ດີຂຶ້ນ.