ບົດລາຍງານການຄົ້ນຄວ້າອາເມລິກາ(ປີ 2017)ທີ່ປະພັບໂດຍສະຖາບັນຄົ້ນຄວ້າອາເມລິກາຂອງສະພາບັນດິດວິທະຍາສາດສັງຄົມຈີນໄດ້ຮັບການເຜີຍແຜ່ຢູ່ນະຄອນຫຼວງປັກກິ່ງໃນວັນທີ 27 ພຶດສະພານີ້. ບົດລາຍງານດັ່ງກ່າວໄດ້ສະຫຼຸບສະພາບການພັດທະນາໃນຂົງເຂດຕ່າງໆເຊັ່ນ:ການເມືອງ,ເສດຖະກິດ,ການທະຫານແລະອື່ນໆຂອງອາເມລິການັບແຕ່ປີ 2016 ເປັນຕົ້ນມາ ພ້ອມທັງໄດ້ດຳເນີນການຄົ້ນຄວ້າຕັດສິນຕໍ່ການພົວພັນລະຫວ່າງຈີນ-ອາເມລິກາ.
ຈີນເປັນປະເທດພວມພັດທະນາທີ່ໃຫຍ່ທີ່ສຸດໃນໂລກ,ອາເມລິກາເປັນປະເທດພັດທະນາແລ້ວທີ່ໃຫຍ່ທີ່ສຸດໃນໂລກ,ທ່າອ່ຽງການຂະຫຍາຍຕົວແຫ່ງການພົວພັນລະຫວ່າງສອງປະເທດໄດ້ຮັບຄວາມສົນໃຈຢ່າງສູງຈາກທົ່ວໂລກ. ບົດລາຍງານຊີ້ໃຫ້ເຫັນວ່າ: ປີ 2016 ຜ່ານມາ, ການໄປມາຫາສູ່ກັນລະຫວ່າງການນຳຂັ້ນສູງ,ການເຈລະຈາແລະການປຶກສາຫາລືລະຫວ່າງສອງປະເທດລ້ວນແຕ່ໄດ້ຮັບຜົນສຳເລັດທີ່ສຳຄັນບໍ່ໜ້ອຍ. ພາຍຫຼັງທ່ານ ໂດນັນ ທຣຳ ໄດ້ຮັບເລືອກຕັ້ງເປັນປະທານາທິບໍດີແລ້ວ,ການພົວພັນລະຫວ່າງສອງປະເທດໄດ້ເຂົ້າສູ່ໄລຍະໃໝ່.
ທ່ານ ຕາເວີ້ຍ ຫົວໜ້າສຳນັກຄົ້ນຄວ້າອາເມລິກາຂອງສະຖາບັນຄົ້ນຄວ້າການພົວພັນລະຫວ່າງຊາດຍຸກປັດຈຸບັນເຫັນວ່າ: ໃນການຂະຫຍາຍຕົວຂອງການພົວພັນລະຫວ່າງຈີນ-ອາເມລິກາ,ມີໂອກາດຫຼາຍກວ່າສິ່ງທ້າທາຍ.