ບຸນຕ່ວນອູແມ່ນວັນບຸນທີ່ໄດ້ຈັດເຂົ້າໃນບັນຊີມໍລະດົກໂລກບໍ່ແມ່ນວັດຖຸບຸນທຳອິດຂອງຈີນ. ສ່ວນຢູ່ບ້ານເກີດເມືອງນອນຂອງທ່ານ ຊູ່ຢວນ ນັກກະວີ, ນັກການເມືອງທີ່ມີຊື່ສຽງໃນສະໄໝຈ້ານກົວຂອງຈີນ(ກ່ອນຄ.ສ 340-278) ທີ່ໄດ້ເຖິງແກ່ມໍລະນະກຳ ຄືຢູ່ເມືອງຈືກຸ່ຍແຂວງຫູເປ, ໃຫ້ຄວາມສຳຄັນແກ່ບຸນຕ່ວນອູຫຼາຍກວ່າປີໃໝ່ຈີນ.ແຕ່ລະປີ,ປະຊາຊົນເມືອງຈືກຸ່ຍມັກເລີ່ມເຮັດວຽກກະກຽມແຕ່ທ້າຍເດືອນສີ່ຕາມຈັນທະຄະຕິເຊັ່ນ:ແຊ່ເຂົ້າໜຽວ,ຂ້າໄກ່ແລະເປັດ,ອະນາໄມເດີ່ນບ້ານແລະເຮືອນ,ກຽມຄ້ອງແລະກອງ,ສ້ອມແປງເຮືອຊ່ວງແລະອື່ນໆ. ກ່ອນບຸນຕ່ວນອູຈະມາເຖິງ,ປະຊາຊົນຢູ່ເມືອງຈີືກຸ່ຍກໍໄດ້ເລີ່ມຊ່ວງເຮືອ,ເຮັດກະເປົາຫອມ,
ຂຽນຄະຕິຄູ່,ຫໍ່ເຂົ້າຕົ້ມ,ຫອຍໃບໜາດແລະຈັດກິດຈະກຳປະເພນີພື້ນເມືອງຕ່າງໆເພື່ອສະຫຼອງບຸນຕ່ວນອູ ແລະເປັນການລະນຶກທ່ານ ຊູ່ຢວນ ນັກກະວີຮັກຊາດຂອງຈີນ.ບັນຍາກາດທີ່ມ່ວນຊື່ນຝົດຟື້ນໃນວັນບຸນຈະສືບເນື່ອງໄປຮອດມື້ຂຶ້ນ 25 ຄ່ຳເດືອນຫ້າຕາມຈັນທະຄະຕິຈີນ ເຊິ່ງດຳເນີນໄປເປັນເວລາປະມານ 20 ມື້.