ຕາມຂ່າວສານຊິ່ນຮວາ: ວັນທີ 28 ພຶດສະພານີ້, ທ່ານສີຈີ້ນຜິງ ປະທານປະເທດຈີນ ໂດຍສົ່ງໂທລະເລກໄປຍັງທ່ານໄມສຣິພາລາ ສິຣິເຊນາ ປະທານາທິບໍດີສີລັງກາ ເພື່ອສະແດງຄວາມຢື້ຢາມຖາມຂ່າວຕໍ່ສີລັງກາທີ່ໄດ້ປະສົບໄພນ້ຳຖ້ວມແລະໄພດິນພູເຈື່ອນ, ແລະສະແດງຄວາມໄວ້ອາໄລຢ່າງເລິກເຊິ່ງຕໍ່ຜູ້ເສຍຊີວິດ, ພ້ອມທັງສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ປະຊາຊົນຜູ້ປະສົບໄພແລະຄອບຄົວຂອງຜູ້ປະສົບເຄາະຮ້າຍ.
ໃນໂທລະເລກ, ທ່ານສີຈີ້ນຜິງຊີ້ອອກວ່າ, ຈີນກັບສີລັງກາເປັນປະເທດບ້ານໃກ້ເຮືອນຄຽງທີ່ມີໄມຕີຈິດມິດຕະພາບອັນເປັນມູນເຊື້ອທີ່ດີຕໍ່ກັນ, ປະຊາຊົນຈີນເຫັນອົກເຫັນໃຈຕໍ່ປະຊາຊົນສີລັງກາທີ່ໄດ້ປະສົບໄພ. ລັດຖະບານຈີນຍິນດີອອກແຮງສຸດຂີດເພື່ອສະໜັບສະໜູນລັດຖະບານສີລັງກາດຳເນີນວຽກງານກູ້ໄພ, ໃຫ້ການສະໜັບສະໜູນແລະການຊ່ວຍເຫຼືອແກ່ສີລັງກາ. ເຊື່ອວ່າ, ລັດຖະບານແລະປະຊາຊົນສີລັງກາຍ່ອມຈະສາມາດເອົາຊະນະໄພທຳມະຊາດແລະສ້າງບ້ານແປງເມືອງຄືນໃໝ່ໄດ້ຢ່າງແນ່ນອນ.