ຕາມຂ່າວCRI: ວັນທີ 29 ພຶດສະພານີ້, ທ່ານ ຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ສົນທະນາທາງໂທລະສັບກັບທ່ານ ເຈັນ ວິສ໌ ລີດຣຽນ ລັດຖະມົນຕີກະຊວງການຕ່າງປະເທດຝຣັ່ງຄົນໃໝ່ຕາມຄຳເຊີນ.
ທ່ານ ຫວາງຢີ້ ໄດ້ສະແດງຄວາມຊົມເຊີຍຕໍ່ທ່ານ ເຈັນ ວິສ໌ລີ ດຣຽນ ດຳລົງຕຳແໜ່ງລັດຖະມົນຕີກະຊວງການຕ່າງປະເທດຝຣັ່ງ, ຫວັງວ່າສອງຝ່າຍສາມາດຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນລະຫວ່າງປະມຸກລັດຂອງສອງປະເທດ,ຮັກສາການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດໃຫ້ສືບຕໍ່ມີທ່າອ່ຽງຂະຫຍາຍຕົວທີ່ວ່ອງໄວ.
ທ່ານ ເຈັນ ວິສ໌ ລີ ດຣຽນ ກ່າວວ່າ: ການຮ່ວມມືຍຸດທະສາດລະຫວ່າງຝຣັ່ງ-ຈີນມີປະສິດທິຜົນສູງ, ຜົນປະໂຫຍດຮ່ວມແລະຈຸດສົນໃຈຮ່ວມລະຫວ່າງສອງຝ່າຍນັບມື້ນັບຫຼາຍຂຶ້ນ,ທ່ານຄອງຄອຍໄປຢ້ຽມຢາມຈີນໂດຍໄວເທົ່າທີ່ຈະໄວໄດ້ເພື່ອສ້າງການພົວພັນວຽກງານທີ່ດີກັບທ່ານຫວາງຢີ້.
ນອກນີ້,ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນກ່ຽວກັບບັນຫາຕ່າງໆເຊັ່ນ: ການຈັດຕັ້ງປະຕິບັດສັນຍາປາຣີກ່ຽວກັບການຮັບມືກັບການປ່ຽນແປງຂອງດິນຟ້າອາກາດພ້ອມທັງສະຖານະການແຫຼມເກົາຫຼີເປັນຕົ້ນ.