ທາງລົດໄຟມຳບາຊາ-ໄນໂຣບີປະເທດເກນຢາທີ່ຮັບເໝົກໍ່ສ້າງໂດຍບໍລິສັດຈີນນັ້ນໄດ້ທົດລອງເປີດບໍລິການໃນວັນທີ 31 ພຶດສະພານີ້ໂດຍທ່ານອູຮູຣູ ເຄັນຢາຕາ ປະທານາທິບໍດີເກນຢາ,ທ່ານຫວາງຢຸງ ທູດພິເສດທ່ານສີຈິ້ນຜິງ ປະທານປະເທດຈີນ, ທີ່ປຶກສາແຫ່ງລັດຈີນໄດ້ເຂົ້າຮ່ວມພິທີເປີດບໍລິການດັ່ງກ່າວ.
ທາງລົດໄຟມຳບາຊາ-ໄນໂຣບີເປັນໂຄງການໂຕ່ງໂສ້ "ມາດຕະຖານຈີນ"ຄົບຊຸດທີ່ລວມທັງການອອກແບບ, ການຕິດຕາມການກໍ່ສ້າງ, ການລະດົມທຶນ,ການຈັດຊື້ອຸປະກອນກັບການຄຸ້ມຄອງການດຳເນີນທຸລະກິດ ທັງເປັນໂຄງການໂຕແບບການສ້າງ "ໜຶ່ງແລວທາງໜຶ່ງເສັ້ນທາງ"ຂອງຈີນທີ່ສ້າງຜົນປະໂຫຍດໃຫ້ແກ່ອາຟຣິກກາ. ຕາມການຕີລາຄານັ້ນ, ການກໍ່ສ້າງທາງລົດໄຟດັ່ງກ່າວໄດ້ປະກອບສ່ວນເຂົ້າໃນການຊຸກຍູ້GDPເກນຢາຂະຫຍາຍຕົວ 1,5%. ຫຼັງສຳເລັດການກໍ່ສ້າງແລ້ວກໍຈະສາມາດຫຼຸດຕົ້ນທຶນການຂົນສົ່ງສິນຄ້າຂອງປະເທດດັ່ງກ່າວໄດ້ເຖິງ 40% ເຊິ່ງຈະເພີ່ມບໍລິມາດການຂົນສົ່ງຂອງປະເທດອາຟຣິກກາຕາເວັນອອກໃຫ້ຫຼາຍຂຶ້ນຕື່ມອີກ, ຊຸກຍູ້ການເຊື່ອມຈອດແລະການເຊື່ອມໂຍງເຂົ້າເປັນໜຶ່ງດຽວຂອງພາກພື້ນອາຟຣິກກາຕາເວັນອອກ ທັງຊຸກຍູ້ການພັດທະນາເສດຖະກິດແລະການປັບປຸງຊີວິດການເປັນຢູ່ຂອງປະຊາຊົນອາຟຣິກກາໃຫ້ດີຂຶ້ນ.
