ເນື່ອງໃນໂອກາດວັນທີ 31 ພຶດສະພາ ແມ່ນ "ວັນງົດຢາສູບໂລກ", ອົງການອະນາໄມໂລກ ໄດ້ເຜີຍແຜ່ບົດລາຍງານຢູ່ເຊີແນວໃນວັນທີ 30 ພຶດສະພານີ້ ໂດຍໄດ້ເນັ້ນການຂົ່ມຂູ່ຂອງຢາສູບຕໍ່ສິ່ງແວດລ້ອມແລະການພັດທະນາຂອງປະເທດຕ່າງໆໃນໂລກ ແລະຮຽກຮ້ອງໃຫ້ລັດຖະບານບັນດາປະເທດຈົ່ງໃຊ້ມາດຕະການໃຫ້ແຂງແຮງກວ່າເກົ່າເພື່ອຄວບຄຸມຢາສູບ.
ບົດລາຍງານໃນຫົວຂໍ້ "ຢາສູບແລະຜົນສະທ້ອນຕໍ່ສິ່ງແວດລ້ອມ" ຂອງອົງການອະນາໄມໂລກ ໄດ້ວິເຄາະການພົວພັນລະຫວ່າງຢາສູບແລະສິ່ງແວດລ້ອມເປັນຄັ້ງທຳອິດ ເຊິ່ງໄດ້ຍົກໃຫ້ເຫັນຜົນສະທ້ອນຂອງຢາສູບຈາກຂັ້ນຕອນຕ່າງໆນັບແຕ່ການປູກເຖິງການບໍລິໂພກນັ້ນທີ່ອາດຈະເກີດຂຶ້ນຕໍ່ສິ່ງແວດລ້ອມຢ່າງລະອຽດ ແລະຍັງຊີ້ໃຫ້ເຫັນວ່າ, ຢາສູບເປັນການຂົ່ມຂູ່ຕໍ່ທຸກຄົນພ້ອມດ້ວຍການພັດທະນາຂອງປະເທດແລະເຂດແຄວ້ນດ້ວຍຫຼາຍຮູບການ.
ຈາກນີ້, ອົງການອະນາໄມໂລກ ຈຶ່ງສະເໜີໃຫ້ລັດຖະບານປະເທດຕ່າງໆຈົ່ງໃຊ້ມາດຕະການຄວບຄຸມຢາສູບທີ່ເຂັ້ມງວດກວ່າເກົ່າ ລວມທັງເກືອດຫ້າມການຈຳໜ່າຍແລະໂຄສະນາຢາສູບ ແລະຊີ້ເປັນພິເສດວ່າ, ການເພີ່ມອາກອນຢາສູບ ມີຜົນດີຕໍ່ການສ້າງຊ່ອງຫວ່າງງົບປະມານທີ່ຕ້ອງການເພື່ອບັນລຸວາລະການພັດທະນາແບບຍືນຍົງປີ 2030.