ຕາມຂ່າວສານຊິນຮວາ: ວັນທີ 30 ພຶດສະພານີ້, ທ່ານ ອັນໂຕນີໂອ ກູເທີເລັສ ເລຂາທິການໃຫຍ່ອົງການສະຫະປະຊາຊາດ ໄດ້ເລັ່ງທວງໃຫ້ທົ່ວໂລກປະຕິບັດ "ສັນຍາປາຣີ" ທັງຮຽກຮ້ອງໃຫ້ຜູ້ນຳບັນດາປະເທດ, ວົງການການຄ້າ ແລະສັງຄົມປະຊາຊົນ ສຸມທຸກຄວາມພະຍາຍາມໃນເລື່ອງນີ້.
ມື້ດຽວກັນ, ທ່ານ ກູເທີເລັສ ໄດ້ກ່າວປາໄສໃນຫົວຂໍ້ "ການເຄື່ອນໄຫວດ້ານດິນຟ້າອາກາດ: ປຸກລະດົມທົ່ວໂລກ" ຢູ່ສະຖາບັນການຄ້າສະເທີນມະຫາວິທະຍາໄລນິວຢອກ ທັງໄດ້ຕອບຄຳຖາມຂອງຜູ້ຟັງ ໂດຍກ່າວວ່າ, ການປ່ຽນແປງຂອງດິນຟ້າອາກາດ ບໍ່ພຽງແຕ່ເປັນການຂົ່ມຂູ່ໂດຍກົງເທົ່ານັ້ນ, ຫາກຍັງໄດ້ຂະຫຍາຍເປັນການຂົ່ມຂູ່ຫຼາຍຢ່າງລວມທັງຄວາມທຸກຍາກ, ການບໍ່ມີບ່ອນຢູ່ອາໄສ ຈົນໄປເຖິງການປະທະກັນນັ້ນໃຫ້ກວ້າງອອກ ໂດຍເຫັນໄດ້ຈາກມີ 24 ລ້ານກວ່າຄົນໃນ 118 ປະເທດແລະເຂດແຄວ້ນທົ່ວໂລກພັດພາກຈາກບ້ານເກີດເມືອງນອນຍ້ອນໄພທຳມະຊາດເມື່ອປີຜ່ານມາ.
ຈາກນີ້, ທ່ານ ກູເທີເລັສ ຈຶ່ງຮຽກຮ້ອງໃຫ້ລັດຖະບານຂອງບັນດາປະເທດ, ວົງການການຄ້າ ແລະສັງຄົມປະຊາຊົນ ຈົ່ງສະໜັບສະໜູນການເຄື່ອນໄຫວດ້ານດິນຟ້າອາກາດ ເພື່ອສ້າງຄວາມສຸກໃຫ້ຄົນຮຸ້ນຫຼັງ. ຂະນະດຽວກັນ, ກໍສະແດງຄວາມຍ້ອງຍໍຈີນທີ່ສຸມໃສ່ພັດທະນາເສດຖະກິດສີຂຽວ.
 |
