ໂດຍຕອບສະໜອງຕາມຄຳເຊີນຂອງທ່ານນາງແອນຈີລາ ເມີເກວ ນາຍົກລັດຖະມົນຕີເຢຍລະມັນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງເຖິງສະໜາມບິນເຕເກນນະຄອນຫຼວງແບັກແລັງ ເລີ່ມຢ້ຽມຢາມປະເທດນີ້ຢ່າງເປັນທາງການ ແລະທ່ານຈະໄດ້ເຂົ້າຮ່ວມການພົບປະປະຈຳປີລະຫວ່າງສອງນາຍົກລັດຖະມົນຕີຈີນ-ເຢຍລະມັນ.
ໃນໄລຍະຢ້ຽມຢາມ, ທ່ານຫຼີເຄີ້ສຽງຈະຮ່ວມພົບປະກັບທ່ານນາງເມີເກວຫຼາຍຄັ້ງທັງຈະເຂົ້າຮ່ວມເປັນສັກຂີພິຍານໃນພິທີລົງນາມສັນຍາຮ່ວມມືສອງຝ່າຍ, ຖະແຫຼງຂ່າວຮ່ວມ, ປາຖະກະຖາໃນເວທີປຶກສາຫາລືຈີນ-ເຢຍລະມັນໃນຫົວຂໍ້ ຮ່ວມກັນປະດິດສ້າງ, ພົບປະແລກປ່ຽນຄວາມເຫັນກັບບຸກຄົນວົງການເສດຖະກິດຈີນ-ເຢຍລະມັນແລະອື່ນໆ. ນອກນີ້, ທ່ານຫຼີເຄີ້ສຽງຍັງຈະພົບປະກັບທ່ານສະເຕອິນເມເອີ ປະທານາທິບໍດີເຢຍລະມັນອີກດ້ວຍ.