ໜັງສືພິມ "Guo Ji Ri Bao" ຂອງອິນໂດເນເຊຍລາຍງານວ່າ, ທ່ານແດນນິວ ຫົວໜ້າພະແນກການຕະຫຼາດບໍລິສັດນ້ຳມັນເຊື້ອໄຟຕາມີນາເໜືອ ບໍລິສັດນ້ຳມັນເຊື້ອໄຟແຫ່ງຊາດອິນໂດເນເຊຍເປີດເຜີຍເມື່ອມໍ່ໆມານີ້ວ່າ, ບໍລິສັດຕົນໄດ້ລົງນາມໃນສັນຍາວ່າດ້ວຍການກັ່ນນ້ຳມັນດິບກັບບໍລິສັດ UNIPEC ຂອງຈີນ ແລະສັນຍາຈະເລີ່ມມີຜົນບັງຄັບໃຊ້ນັບແຕ່ເດືອນກໍລະກົດປີນີ້ເປັນຕົ້ນໄປ.
ເຈົ້າໜ້າທີ່ບໍລິສັດນ້ຳມັນເຊື້ອໄຟແຫ່ງຊາດອິນໂດເນເຊຍກ່າວວ່າ ຈະມອບນ້ຳມັນດິບທີ່ຜະລິດຈາກບໍ່ນ້ຳມັນບາສຣາປະເທດອີຣັກໃຫ້ບໍລິສັດ UNIPEC ດຳເນີນການກັ່ນ ເຊິ່ງຈະກັ່ນນ້ຳມັນແອັດຊັງທຳມະດາເດືອນລະ 1 ລ້ານບາເຣນແລ້ວສົ່ງໄປອິນໂດເນເຊຍ. ກ່ອນໜ້ານີ້, ບໍລິສັດຕົນກຽມຈະຮ່ວມມືກັບບໍລິສັດສິງກະໂປ, ແຕ່ເນື່ອງຈາກເຕັກນິກການກັ່ນນ້ຳມັນຂອງບໍລິສັດຈີນດີກວ່າ ແລະມີລາຄາຖືກກວ່າ ຈິ່ງເລືອກເອົາບໍລິສັດ UNIPEC ເປັນຄູ່ຮ່ວມມື.