ວັດກ່ານລູ້ແຢນຕັ້ງຢູ່ແຄມຝັ່ງຕາເວັນຕົກໜອງຄຳ ແລະເປັນແຫຼ່ງທ່ອງທ່ຽວທີ່ມີຊື່ສຽງຂອງເມືອງທາຍໜິງແຂວງຝູຈ້ຽນປະເທດຈີນ. ວັດນີ້ສ້າງຂຶ້ນໃນ ປີ ຄ.ສ.1146 ໃນລາຊະວົງຊົ້ງ ແລະມີປະຫວັດຄວາມເປັນມາ 850 ກວ່າປີແລ້ວ ເຊິ່ງສ້າງຢູ່ໃນຖ້ຳທີ່ສູງ 80 ກວ່າແມັດ ແລະເບື້ອງເທິງຂອງຖ້ຳກວ້າງ 30 ກວ່າແມັດ ແລະພື້ນຖ້ຳກວ້າງ 10 ກວ່າແມັດ, ຈຸດພິເສດຂອງວັດນີ້ຄືເປັນວັດເສົາດຽວ ແລະມີສາລາ 4 ຫຼັງຕັ້ງຢູ່ເທິງເສົາ, ຂະນະດຽວກັນກໍບໍ່ໄດ້ໃຊ້ດິນຂໍ, ແຕ່ທຸກສາລາລ້ວນແຕ່ເຮັດດ້ວຍໄມ້ ແລະບໍ່ໄດ້ໃຊ້ເຫຼັກຕະປູຕອກ ເຊິ່ງນັບວ່າເປັນໂຄງສ້າງສິ່ງກໍ່ສ້າງທີ່ໂດດເດັ່ນໃນປະຫວັດສາດຂອງການກໍ່ສ້າງຂອງຈີນ ແລະກາຍເປັນວັດມີຊື່ສຽງທັງພາຍໃນແລະຕ່າງປະເທດ.