ຕາມຂ່າວສານຈີນ: ມີນັກຂ່າວຖາມໃນພິທີຖະແຫຼງຂ່າວທີ່ຈັດຂຶ້ນໃນວັນທີ 31 ພຶດສະພາຜ່ານມານີ້ວ່າ, ຈີນແລະຟີລິບປິນໄດ້ຮ່ວມກັນທຳລາຍກຸ່ມຄ້າຢາອີຂ້າມຊາຍແດນ ໂດຍສາມາດຍຶດຢາອີໄດ້ 605 ກິໂລ, ຂໍໃຫ້ທ່ານໃຫ້ຮູ້ລາຍລະອຽດໃນການປາບປາມເທື່ອນີ້ ລວມທັງຄວາມຄືບໜ້າໃນການຮ່ວມມືປາບປາມຢາເສບຕິດລະຫວ່າງຈີນກັບຟີລິບປິນ.
ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນຕອບວ່າ, ຢາເສບຕິດເປັນສັດຕູຂອງມວນມະນຸດ ແລະການປາບປາມຂະບວນການຄ້າຢາເສບຕິດກໍເປັນໜ້າທີ່ລວມຂອງບັນດາປະເທດໃນໂລກ. ໃນຂະບວນການປາບປາມດັ່ງກ່າວ, ເຈົ້າໜ້າທີ່ສອງປະເທດໄດ້ຮ່ວມມືກັນຢ່າງແໜ້ນແຟ້ນ ແລະໄດ້ຮັບໝາກຜົນສຳຄັນໃນການປາບປາມຢາເສບຕິດ. ລັດຖະບານຈີນໄດ້ສະໜັບສະໜູນການປາບປາມຢາເສບຕິດຂອງທ່ານປະທານາທິບໍດີດູເຕີເຕແລະລັດຖະບານຟີລິບປິນ ທັງຍິນດີສືບຕໍ່ເພີ່ມການຮ່ວມມືກັບຟີລິບປິນໃນການປາບປາມເຄືອຂ່າຍຢາເສບຕິດ ເພື່ອເຮັດໃຫ້ປະຊາຊົນສອງຊາດກໍຄືຂອງພາກພື້ນໄດ້ດຳລົງຊີວິດດ້ວຍຄວາມສະຫງົບປອດໄພ.