ຕາມຂ່າວ CRI: ທ່ານກາມັດ, ຜູ້ວ່າການທະນາຄານບຣິກກ່າວໃນວັນທີ 1 ມິຖຸນານີ້ວ່າ, ທະນາຄານຕົນຈະລົງທຶນ 1 ຕື້ 600 ລ້ານໂດລາຢູ່ຈີນໃນສອງປີຕໍ່ໜ້າ.
ໃນໂອກາດເຂົ້າຮ່ວມເວທີປຶກສາຫາລືເສດຖະກິດແຊງເປແຕສະບວກໃນວັນທີ 1 ມິຖຸນານີ້, ທ່ານກາມັດກ່າວຕໍ່ສື່ມວນຊົນວ່າ, ທະນາຄານຕົນພວມພິຈາລະນາໂຄງການລົງທຶນຂອງປະເທດສະມາຊິກທັງໝົດ. ໂດຍວາງແຜນຈະລົງທຶນແຕ່ 2 ຕື້ 500 ລ້ານຫາ 3 ຕື້ໂດລາຢູ່ປະເທດຕ່າງໆ. ເຊິ່ງເມື່ອທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນຢ່າງຫຼວງຫຼາຍ.
ທ່ານກາມັດກ່າວວ່າ, ໂຄງການລົງທຶນຢູ່ຈີນຂອງທະນາຄານຕົນໃນປີນີ້ໄດ້ເພີ່ມຂຶ້ນຢ່າງຫຼວງຫຼາຍ, ແລະເປັນບໍລິເວນກວ້າງກວ່າເກົ່າ. ເປັນຕົ້ນໂຄງການພັດທະນາພະລັງລົມ, ການກໍ່ສ້າງຕົວເມືອງ, ການອະນຸລັກສິ່ງແວດລ້ອມແລະອື່ນໆ, ໂດຍມີຍອດມູນຄ່າການລົງທຶນ 1 ຕື້ 600 ລ້ານໂດລາສະຫະລັດ, ໃນນີ້ມີບາງໂຄງການຈະປະຕິບັດຕົວຈິງໃນປີນີ້.