ຕອນຄ່ຳວັນທີ 1 ມິຖຸນານີ້, ທ່ານຫຼີ້ເຄີ້ສຽງ ນາຍົກລັດຖະມົນຕີຈີນໄດ້ເດີນທາງເຖິງສະໜາມບິນສາກົນບຣຸກແຊນດ້ວຍເຮືອບິນພິເສດ, ເພື່ອເຂົ້າຮ່ວມກອງປະຊຸມພົບປະຂອງຜູ້ນຳຈີນ-ເອີລົບຄັ້ງທີ 19, ແລະຢ້ຽມຢາມແບນຊິກຢ່າງເປັນທາງການ.
ໃນໄລຍະຢູ່ບຣຸກແຊນ, ທ່ານຫຼີ້ເຄີ້ສຽງຈະຮ່ວມກັບທ່ານໂດນາດ ທູສກ໌ ປະທານສະພາມົນຕີເອີຣົບແລະ ທ່ານ ຄຣາວເດ ຈູນເກີ ປະທານຄະນະກຳມາທິການສະຫະພາບເອີຣົບເປັນປະທານກອງປະຊຸມພົບປະຜູ້ນຳຈີນ-ສະຫະພາບເອີຣົບຄັ້ງທີ 19, ຈະຖະແຫຼງຂ່າວ, ເຂົ້າຮ່ວມພິທີເຊັນສັນຍາແລະກິດຈະກຳວັດທະນະທຳ. ນອກນີ້ຍັງຈະຮ່ວມກັບຜູ້ນຳເອີລົບເຂົ້າຮ່ວມກອງປະຊຸມສຸດຍອດອຸດສາຫະກຳການຄ້າຈີນ-ເອີລົບແລະ, ແລກປ່ຽນຄຳເຫັນກ່ຽວກັບນັກທຸລະກິດຂະໜາດກາງແລະນ້ອຍຂອງສອງຝ່າຍ.
ຂະນະດຽວກັນ, ທ່ານຫຼີ້ເຄີ້ສຽງຈະເຈລະຈາກັບທ່ານຊາເລັສ ມິເຊີ, ນາຍົກລັດຖະມົນຕີແບນຊິກ, ຮ່ວມກັນຢ້ຽມຢາມໂຄງການຮ່ວມມືແລະພົບປະກັບສົມເດັດຟິລິບ, ເຈົ້າຊີວິດແບນຊິກ.