ຕາມຂ່າວສານຈີນ: ພາຍຫຼັງທ່ານໂດນັນ ທຣຳ ປະທານາທິບໍດີອາເມລິກາປະກາດຖອນອອກຈາກ "ສັນຍາປາຣີ" ຢ່າງເປັນທາງການໃນວັນທີ 1 ມິຖຸນານີ້, ປະມຸກລັດແລະຫົວໜ້າລັດຖະບານເຢຍລະມັນ, ຝຣັ່ງ ແລະອີຕາລີໄດ້ອອກຖະແຫຼງການຮ່ວມທັນທີໃນຕອນຄ່ຳມື້ດຽວກັນ ໂດຍສະແດງຄວາມເສຍດາຍຕໍ່ການຕົກລົງດັ່ງກ່າວຂອງອາເມລິກາ, ແນວໃດກໍດີ ທັງ 3 ປະເທດໄດ້ຢືນຢັນວ່າ ຈະສືບຕໍ່ພະຍາຍາມປະຕິບັດຕາມພັນທະທີ່ກ່ຽວຂ້ອງກັບ "ສັນຍາປາຣີ".
ຜູ້ນຳສາມປະເທດເນັ້ນໂດຍເຫັນວ່າ ຂະບວນການປະຕິບັດ "ສັນຍາປາຣີ" ທີ່ເລີ່ມມາແຕ່ເດືອນທັນວາປີ 2015 ບໍ່ສາມາດຕ່າວປີ້ນໄດ້ ແລະເຊື່ອວ່າ ຈະບໍ່ສາມາດດຳເນີນການເຈລະຈາ "ສັນຍາປາຣີ" ໄດ້ຕໍ່ອີກ, ແຕ່ເລີ່ມຈາກເວລານີ້ເປັນຕົ້ນໄປ, ສາມປະເທດຈະເລີ່ມພະຍາຍາມປະຕິບັດຕາມພັນທະການລະດົມທຶນດ້ານດິນຟ້າອາກາດ ເພື່ອບັນລຸເປົ້າໝາຍຕາມ "ສັນຍາປາຣີ" ແລະສົ່ງເສີມໃຫ້ປະເທດເພື່ອນມິດຕ່າງໆພະຍາຍາມຮ່ວມກັນ.
ໃນຕອນທ້າຍຂອງຖະແຫຼງການລະບຸວ່າ, ສຳລັບປະເທດດ້ອຍພັດທະນາແລະປະເທດທີ່ປະສົບຈາກການຂົ່ມຂູ່ດ້ານການປ່ຽນແປງຂອງດິນຟ້າອາກາດຮ້າຍແຮງທີ່ສຸດນັ້ນ, ສາມປະເທດຈະພະຍາຍາມຫຼາຍຊ່ວຍບໍ່ໃຫ້ລຶບລ້າງການປະຕິບັດພັນທະໃນດ້ານນີ້ໃຫ້ໜ້ອຍລົງ.