ບໍລິສັດການຄ້າຖັງປາງຜູເອີຈຳກັດຂອງຈີນ ແລະ ກົມພະລາທິການກະຊວງປ້ອງກັນຄວາມສະຫງົບລາວ ໄດ້ເຊັນສັນຍາຮ່ວມມືກໍ່ສ້າງໂຮງງານຜະລິດຕະພັນເຄື່ອງໜັງຢູ່ນະຄອນຫຼວງວຽງຈັນເມື່ອວັນທີ 31 ພຶດສະພາຜ່ານມາ.
ໂຮງງານຜະລິດຕະພັນເຄື່ອງໜັງວຽງຈັນ ກວມເນື້ອທີ່ປະມານ 10 ເຮັກຕາ ແລະຈະລົງທຶນກໍ່ສ້າງ 15 ລ້ານໂດລາ ໂດຍຄາດວ່າຈະກໍ່ສ້າງສຳເລັດໃນປີໜ້າ ແລະຫຼັງຈາກນັ້ນ ຈະເຮັດໃຫ້ລາວຫຼຸດຜ່ອນການນຳເຂົ້າຜະລິດຕະພັນເຄື່ອງໜັງ, ເພີ່ມລາຍຮັບ ເພື່ອປະກອບສ່ວນໃຫ້ແກ່ການພັດທະນາເສດຖະກິດສັງຄົມ.
ທ່ານ ວາງຈີ້ງຊົ່ງ ຜູ້ອຳນວຍການໃຫຍ່ບໍລິສັດການຄ້າຖັງປາງຜູເອີຈຳກັດ ກ່າວຫຼັງພິທີເຊັນສັນຍາວ່າ, ບໍລິສັດຕົນຈະຮ່ວມກັບລາວ ຄົ້ນຄວ້າຜະລິດຜະລິດຕະພັນເຄື່ອງໜັງ ເຊັ່ນ ເກີບ ແລະສາຍແອວເປັນຕົ້ນ ແລະບຸກເບີກຕະຫຼາດລາວດ້ວຍຜະລິດຕະພັນທີ່ມີຄຸນນະພາບແລະການບໍລິການທີ່ດີ. ຂະນະດຽວກັນ ກໍຈະພະຍາຍາມເຮັດໃຫ້ຄົນລາວ ຊົມໃຊ້ເກີບໜັງ ແລະຜະລິດຕະພັນໜັງອື່ນໆທີ່ຄຸນນະພາບດີ, ລາຄາຖືກ ທີ່ຜະລິດໂດຍຕົນເອງ ສາມາດຕອບສະໜອງຕາມຄວາມຕ້ອງການຂອງສັງຄົມລາວ.