ຕາມຂ່າວສານຊິນຮວາ: ໂຄສົກກອງທັບຟິລິບປິນກ່າວໃນວັນທີ 1 ມິຖຸນານີ້ວ່າ, ໃນການໂຈມຕີທາງອາກາດໃສ່ກຸ່ມມາວເຕແລະກຸ່ມປະກອບອາວຸດອາບູຊາຢັຟ ຢູ່ເມືອງມາລາວີເກາະມິນດານາວ ທາງພາກໃຕ້ປະເທດຕົນເມື່ອວັນທີ 31 ພຶດສະພາຜ່ານມາ ໂດຍການຖິ້ມລູກລະເບີດຜິດເປົ້ານັ້ນ ສົ່ງຜົນເຮັດໃຫ້ທະຫານຮາບ 11 ຄົນເສຍຊີວິດ, ອີກ 7 ຄົນບາດເຈັບ.
ທ່ານ ເດວຟິນ ໂລເຣັນຈານາ ລັດຖະມົນຕີກະຊວງປ້ອງກັນປະເທດຟິລິບປິນກ່າວໃນມື້ດັ່ງກ່າວວ່າ, ເນື່ອງຈາກການປະສານງານບໍ່ໄດ້ດີ ຈຶ່ງເກດີການຜິດເປົ້າຄືດັ່ງກ່າວ ແຕ່ແນວໃດກໍດີ, ຜ່ານການສູ້ຮົບເປັນເວລາກວ່າໜຶ່ງອາທິດ, ອາວຸດທີ່ແນ່ນອນຂອງກອງທະຫານອາກາດປະເທດຕົນ ເກືອບໃຊ້ໝົດແລ້ວ ແລະປັດຈຸບັນ ໄດ້ນຳໃຊ້ລູກລະເບີດທຳມະດາທີ່ນັກບິນຖິ້ມເອງ. ປັດຈຸບັນ, ເຈົ້າໜ້າທີ່ທະຫານໄດ້ຕັ້ງໜ່ວຍງານສືບສວນເຫດດັ່ງກ່າວ ແລະທ່ານປະທານທິບໍດີ ດູເຕີເຕ ກໍຮູ້ເລື່ອງນີ້ແລ້ວ.