ຕາມຂ່າວສານຊິນຮວາ: ທ່ານ ປີເຕີ ທົມເຊັນ ປະທານສະມັດຊາໃຫຍ່ອົງການສະຫະປະຊາຊາດສະໄໝທີ 71 ກ່າວໃນວັນທີ 1 ມິຖຸນານີ້ວ່າ, ສປຊ ຈະໄຂກອງປະຊຸມທະເລຄັ້ງທຳອິດແຕ່ວັນທີ 5-9 ມິຖຸນານີ້ ເພື່ອປ່ຽນແປງສິ່ງແວດລ້ອມທາງທະເລທີ່ມີທ່າຂະຫຍາຍນັບມື້ນັບຮ້າຍແຮງ ແລະຊຸກຍູ້ຈັດຕັ້ງປະຕິບັດເປົ້າໝາຍການພັດທະນາທະເລແບບຍືນຍົງ.
ບັນຫາຮີບດ່ວນກ່ຽວກັບທະເລນັ້ນ ປະກອບມີມົນລະພິດທະເລ, ການປະມົງຫຼາຍເກີນຄວນ, ລະດັບໜ້ານ້ຳທະເລສູງຂຶ້ນຍ້ອນການປ່ຽນແປງຂອງດິນຟ້າອາກາດ, ນ້ຳທະເລຫັນເປັນທາດກົດ ແລະອື່ນໆ. ໃນນັ້ນ, ບັນຫາພລາສຕິກມົນລະພິດທະເລນັ້ນ ເປັນສິ່ງທີ່ປະໝາດບໍ່ໄດ້ຫຼັງເຫັນວ່າ, ແຕ່ລະປີ ມີພລາສຕິກ 8 ລ້ານກວ່າໂຕນຖືກຖິ້ມລົງສູ່ທະເລ ເຊິ່ງສ້າງຜົນສະທ້ອນອັນໜັກໜ່ວງຕໍ່ຊີວະນານາພັນໃນທະເລ, ຂະແໜງການປະມົງ ແລະການທ່ອງທ່ຽວ ໂດຍມີມູນຄ່າເສຍຫາຍເຖິງ 8 ຕື້ກວ່າໂດລາ.