ວັນທີ 2 ມິຖຸນານີ້, ທ່ານ ໂຄມາໂຣວ໌ ຜູ້ອຳນວຍການໃຫຍ່ກຸ່ມບໍລິສັດການບິນອະວະກາດຂອງປະເທດຣັດເຊຍກ່າວວ່າ: ຍານອະວະກາດບັນທຸກຄົນ Federation ຣຸ້ນໃໝ່ຂອງຣັດເຊຍຈະໄດ້ຮັບການສົ່ງຂຶ້ນສູ່ອະວະກາດເປັນຄັ້ງທຳອິດໃນປີ 2022.
ທ່ານ ໂຄມາໂຣວ໌ ໄດ້ໃຫ້ຮູ້ຂ່າວດັ່ງກ່າວໃນໄລຍະເຂົ້າຮ່ວມກກອງປະຊຸມເວທີປຶກສາຫາລືເສດຖະກິດຊັນດ໌ ປີເຕີສ໌ເບີກໃນມື້ດຽວກັນ. ທ່ານກ່າວວ່າ: ຣັດເຊຍໄດ້ຕົກລົງຈະສົ່ງຍານອະວະກາດບັນທຸກມະນຸດ Federation ດ້ວຍຈະຫຼວດສົ່ງຍານ Soyuz-5. ເຊິ່ງຈະຫຼວດສົ່ງຍານເຄື່ອງບິນບັນທຸກມະນຸດແບບໃໝ່ດັ່ງກ່າວຈະສາມາດຫຼຸດຕົ້ນທຶນການສົ່ງຍານໃຫ້ໜ້ອຍລົງຢ່າງຫຼວງຫຼາຍ ແລະຍົກສະມັດຕະພາບດ້ານການບໍລິການການສົ່ງຍານໃຫ້ສູງຂຶ້ນ.
ຍານອະວະກາດບັນທຸກຄົນ Federation ແມ່ນກຸ່ມບໍລິສັດການບິນອະວະກາດ ແລະຈະຫຼວດ Energia ຂອງຣັດເຊຍ (RKK) ເປັນຜູ້ຄົ້ນຄວ້າຜະລິດເອງ ເຊິ່ງໄດ້ຮັບການນຳໃຊ້ໃນການຂົນສົ່ງຜູ້ຄົນແລະເຄື່ອງວັດຖຸຕ່າງໆໄປສູ່ຕໍ່ວົງໂຄຈອນທີ່ໃກ້ກັບໜ້າດິນໜ່ວຍໂລກແລະດວງຈັນ. ຈະຫຼວດສົ່ງຍານອະວະກາດບັນທຸກຄົນ Soyuz ທີ່ປະຕິບັດໜ້າທີ່ໃນປັດຈຸບັນຂອງຣັດເຊຍພຽງແຕ່ສາມາດບັນທຸກ 3 ຄົນໄດ້ເທົ່ານັ້ນ, ສ່ວນຍານອະວະກາດ Federation ຫຼາຍທີ່ສຸດສາມາດບັນທຸກ 4 ຄົນ. ຍານອະວະກາດສາມາດບິນຢູ່ໃນອະວະກາດຢ່າງເປັນເຈົ້າການເປັນເວລາ 30 ວັນ, ຢູ່ໃຕ້ສະພາບທີ່ເຊື່ອມຕໍ່ກັບສະຖານີອະວະກາດຕາມວົງໂຄຈອນສາມາດບິນ 1 ປີຢ່າງຕໍ່ເນື່ອງໄດ້.