ຕາມຂ່າວCRI：ກະຊວງການຕ່າງປະເທດອາເມລິກາໄດ້ອອກຖະແຫຼງການໃນວັນທີ 3 ມິຖຸນານີ້, ໂດຍໄດ້ກ່າວປະນາມຕໍ່ເຫດການໂຈມຕີສາມັນຊົນຫຼາຍຄັ້ງທີ່ເກີດຂຶ້ນຢູ່ນະຄອນຫຼວງລອນດອນຂອງອັງກິດ. ທ່ານໂດນານດ໌ ທຣຳ, ປະທານາທິບໍດີອາເມລິກາກໍ່ໄດ້ພິມບົດລົງສື່ສັງຄົມວ່າ, ອາເມລິກາຍິນດີໃຫ້ຄວາມຊ່ວຍເຫຼືອທຸກຢ່າງ.
ໃນວັນທີ 3 ມິຖຸນານີ້ຕາມເວລາທ້ອງຖິ່ນ, ຢູ່ນະຄອນຫຼວງລອນດອນໄດ້ເກີດ
ເຫດການຫຼອນໂຈມຕີສາມັນຊົນ 3 ຄັ້ງ, ເຮັດໃຫ້ມີຜູ້ເສຍຊີວິດຢ່າງໜ້ອຍ 6 ຄົນ, ຕຳຫຼວດໄດ້ຖືເຫດການຫຼອນໂຈມຕີນີ້ເປັນເຫດການໂຈມຕີແບບເພື່ອກໍ່ການຮ້າຍ.
ທ່ານນາງຮີເຊີ ນໍເອິດ, ໂຄສົກກະຊວງການຕ່າງປະເທດອາເມລິກາໄດ້ຖະແຫຼງການວ່າ, ອາເມລິກາກ່າວປະນາມຕໍ່ເຫດການຫຼອນໂຈມຕີຕໍ່ສາມັນຊົນທີ່ເກີດຂຶ້ນຢູ່ນະຄອນຫຼວງລອນດອນ, ກ່າວວ່າເຫດການຫຼອນໂຈມຕີນີ້ເປັນການກະທຳຂອງຂີ້ໂຍ່ຍ. ຖະແຫຼງການຂຽນວ່າ, ອາເມລິກາເຂົ້າໃຈວ່າຝ່າຍຕຳຫຼວງອັງກິດກຳລັງຖືເກດການຫຼອນໂຈມຕີນີ້ເປັນເຫດການຫຼອນໂຈມຕີກໍ່ການຮ້າຍ. ຖ້າວ່າລັດຖະບານອັງກິດສະເໜີຄວາມຮຽກຮ້ອງຕ້ອງການ, ອາເມລິກາຈະໃຫ້ການຊ່ວຍເຫຼືອດ້ວຍຮູບການໃດໆຕະຫຼອດເວລາ.
ຖະແຫຼງການຂຽນວ່າ, ຈິດໃຈຂອງພວກເຮົາຢູ່ນຳກັນກັບພີ່ນ້ອງຄອບຄົວຂອງຜູ້ເສຍຊີວິດ, ຫວັງວ່າຜູ້ບາດເຈັບຈະຫາຍອາການເຈັບໂດຍໄວ. ປະຊາຊົນອາເມລິກາທັງໝົດຈະຢືນຢູ່ຮ່ວມກັນກັບປະຊາຊົນອັງກິດຢ່າງເດັດດ່ຽວ.
ທ່ານໂດນານ ທຼາມກໍ່ໄດ້ກ່າວທາງສື່ມວນຊົນສັງຄົມວ່າ, ອາເມລິກາຍິນດີໃຫ້ການຊ່ວຍເຫຼືອທີ່ມຄວາມຈຳເປັນດ້ວຍຮູບການໃດໆແກ່ອັງກິດ. "ພວກເຮົາຢູ່ນຳກັນກັບພວກເຈົ້າ".
