ຕາມຂ່າວສານຊິນຮວາ: ກຸ່ມບໍລິສັດເກີໂຈ່ວປ້າຈີນແລະລັດຖະບານເນປານໄດ້ລົງນາມໃນບົດບັນທຶກການຮ່ວມມືຢູ່ເຮືອນພັກທາງການນາຍົກລັດຖະມົນຕີປະເທດດັ່ງກ່າວໃນວັນທີ 4 ມິຖຸນານີ້ເຊິ່ງໄດ້ເປັນພື້ນຖານໃຫ້ແກ່ສອງຝ່າຍຮ່ວມມືກັນພັດທະນາແລະກໍ່ສ້າງໂຄງການເຂື່ອນໄຟຟ້ານ້ຳຕົກບຸດິກັນດາກີທີ່ມີກຳລັງຕິດຕັ້ງ 1.200 ເມກາວັດ.
ໃນໂອກາດດຳເນີນກອງປະຊຸມຄະນະລັດຖະບານເມື່ອທ້າຍເດືອນຜ່ານມາ,ລັດຖະບານເນປານໄດ້ເຫັນດີຕໍ່ຂໍ້ສະເໜີຂອງກະຊວງພະລັງງານໃນດ້ານຫຼັກການໂດຍມອບ "ໂຄງການແຫ່ງກຽດສັກສີຂອງລັດ"ດັ່ງກ່າວນີ້ໃຫ້ກຸ່ມບໍລິສັດເກີໂຈ່ວປ້າຈີນດ້ວຍຮູບການຮັບເໝົາໂຄງການ.
ເຂື່ອນໄຟຟ້ານ້ຳຕົກນີ້ເປັນເຂື່ອນໄຟຟ້າແບບກັກເກັບນ້ຳເຊິ່ງຫ່າງຈາກນະຄອນຫຼວງກັດມານດູປະມານ 80 ກິໂລແມັດແລະຖືກຖືເປັນຂໍກະແຈໃນການປ່ຽນແປງສະພາບຂາດເຂີນໄຟຟ້າເປັນເວລາດົນນານຂອງເນປານ.