ຕອນເຊົ້າມືດວັນທີ 4 ມິຖຸນານີ້ຕາມເວລາປັກກິ່ງ, ການແຂ່ງຂັນຮອບຊີງຊະນະເລີດໃນລາຍການ the UEFA Champions League ໄດ້ຈັດຂຶ້ນຢູ່ເວວສ໌ປະເທດອັງກິດ ເຊິ່ງເປັນການພົວພັນລະຫວ່າງທີມຈູເວນຕູສ໌ຈາກອີຕາລີກັບທີມຣີນມາດຣິດຈາກແອສປາຍ ໂດຍມີແຟນບານອີຕາລີປະມານ 3 ໝື່ນຄົນເຂົ້າຊົມການແຂ່ງຂັນດັ່ງກ່າວຢູ່ໜ້າໂທລະພາບໃຫຍ່ສະໜາມຫຼວງຊັນກາໂລເມືອງໂຕຣີໂນ.
ຂ່າວແຈ້ງວ່າ, ການແຂ່ງຂັນໃນເຄິ່ງເວລາທີສອງ, ມີຄົນເຈດຕະນາແລ່ນອອກຈາກສະໜາມຫຼວງ ເຊິ່ງເຫດການດັ່ງກ່າວເຮັດໃຫ້ກຸ່ມຄົນຢ້ານແລະຕ່າງຄົນຕ່າງປົບໜີອັນມາສູ່ເຫດການຢຽບກັນ ໂດຍຫຼ້າສຸດມີເກືອບ 1500 ຄົນບາດເຈັບ, ໃນນັ້ນສ່ວນຫຼາຍບາດເຈັບເລັກໜ້ອຍ, ແຕ່ຢ່າງໜ້ອຍກໍມີ 8 ຄົນບາດເຈັບສາຫັດ ເຊິ່ງລວມທັງ ເດັກຊາຍອາຍຸ 7 ປີໜຶ່ງຄົນ.
ເຈົ້າໜ້າທີ່ຕຳຫຼວດເມືອງໂຕຣີໂນກ່າວວ່າ, ສາເຫດທີ່ພາໃຫ້ກຸ່ມຄົນຢ້ານອາດຈະມີຄົນຈູດໝາກກະໂພກ. ຂະນະທີ່ໜັງສືພິມ "La Stampa" ກໍລາຍງານວ່າ, ຮົ້ວຢູ່ບ່ອນໜຶ່ງໄດ້ລົ້ມລົງກໍອາດຈະເປັນສາເຫດພາໃຫ້ກຸ່ມຄົນຢ້ານແລະຢຽບກັນ.
 |
