ຕາມຂ່າວສານຊິນຮວາ: ເຈົ້າໜ້າທີ່ທະຫານຊີີຣີກ່າວວ່າ, ວັນທີ 4 ມິຖຸນານີ້, ກອງທັບລັດຖະບານສາມາດຍຶດເອົາມາສຄານາ ເຂດທີ່ໝັ້ນທີ່ສຳຄັນຂອງກຸ່ມຫົວຮຸນແຮງ IS ຢູ່ພາກຕາເວັນອອກແຂວງອາເລັບໂປ ທາງພາກເໜືອປະເທດຕົນໄດ້ແລ້ວ ແລະຖືວ່າເປັນການເຄື່ອນໄຫວການທະຫານທີ່ໄດ້ຮັບຄວາມຄືບໜ້າຢ່າງໃຫຍ່ຫຼວງ.
ຂ່າວສານຊີຣີ ໄດ້ອ້າງຕາມການເປີດເຜີຍຂອງເຈົ້າໜ້າທີ່ທະຫານໂດຍລາຍງານວ່າ, ກອງທັບລັດຖະບານ ສາມາດຍຶດເອົາມາສຄານາ ເມືອງສຳຄັນດ້ານຍຸດທະສາດ ແລະບ້ານຈຳນວນໜຶ່ງ ທັງຍຶດ ສິ່ງກໍ່ສ້າງສຳຄັນຈຳນວນໜຶ່ງຄືນ ເຊິ່ງເປັນຕົ້ນສະຖານີນ້ຳປະປາສອງແຫ່ງ ແລະຍັງສາມາດທຳລາຍໝາກແຕກທີ່ກຸ່ມປະກອບອາວຸດຝັງໄວ້.
ອົງການສັງເກດການມະນຸດສະທຳຊີຣີ ທີ່ມີສຳນັກງານໃຫຍ່ຕັ້ງຢູ່ນະຄອນຫຼວງລອນດອນປະເທດອັງກິດ ກ່າວໃນມື້ດຽວກັນວ່າ, ເມືອງມາສຄານາ ແມ່ນເຂດທີ່ໝັ້ນແຫ່ງສຸດທ້າຍຂອງກຸ່ມ IS ຢູ່ແຂວງອາເລັບໂປ.