ຕາມຂ່າວCRI: ທ້າວ ເຊ້ຍກ່າງຮວາ ທີ່ປັດຈຸບັນອາຍຸ 52 ປີ ເຄີຍເປັນຜູ້ທຸກຍາກຢູ່ບ້ານໄພໂທວເມືອງຈີງກ່າງຊ່ານແຂວງຈ່ຽງຊີ່ຂອງຈີນ ເນື່ອງຈາກພໍ່ແມ່ຂອງລາວເປັນພະຍາດຊ້ຳເຮື້ອທີ່ໜັກໜ່ວງ ຈຶ່ງເຮັດໃຫ້ຄອບຄົວ ທຸກຍາກ. ແນວໃດກໍດີເພື່ອແກ້ໄຂຄວາມທຸກຍາກຂອງປະຊາຊົນ ບ້ານໄພໂທວໄດ້ສ້າງເຮືອນໃນຮົ່ມເພື່ອປູກຜັກແລະໝາກໄມ້ໂດຍກວມເອົາເນື້ອທີ່ກວ່າ 2 ເຮັກຕາ ເພື່ອໃຫ້ຄອບຄົວທຸກຍາກສາມາດຮັບເໝົາແລະປູກຜັກແລະໝາກໄມ້ຢູ່ສະຖານທີ່ແຫ່ງນີ້ ໂດຍນາຍບ້ານໄດ້ນຳເອົາເຕັກໂນໂລຊີລວມທັງແນວພັນຜັກແລະໝາກໄມ້ໃຫ້ແກ່ປະຊາຊົນໂດຍບໍ່ເກັບຄ່າ ໂດຍ ທ້າວ ເຊ້ຍກ່າງຮວາ ໄດ້ຮັບເໝົາ 7 ເຮືອນໃນຮົ່ມເພື່ອປູກຜັກ. ຈາກນັ້ນ, ພຽງແຕ່ເວລາເຄິ່ງປີ ກໍສາມາດສ້າງລາຍຮັບໄດ້ເກືອບ 20.000 ຢວນ ຫຼືປະມານ 2.942 ໂດລາສະຫະລັດ. ຈາກຄວາມບຸກບືນໃນການທຳມາຫາລ້ຽງຊີບຈຶ່ງເຮັດໃຫ້ ປັດຈຸບັນ, ທ້າວ ເຊ້ຍກ່າງຮວາ ໄດ້ຫຼຸດພົ້ນອອກຈາກຄວາມທຸກຍາກແລ້ວ ແລະກໍພ້ອມຄິດຫາວິທີຈະເພີ່ມຂະໜາດການປູກຜັກຕື່ມອີກແນວໃດ ເພື່ອກ້າວໄປສູ່ການເຮັດໃຫ້ຄອບຄົວມີຄວາມອີ່ມໜຳສຳລານ.
