ສຸສານວິລະຊົນຈີນຢູ່ ສປປ ລາວໄດ້ສຳເລັດການບູລະນະແລະໄດ້ຈັດພິທີມອບຮັບຂຶ້ນຢູ່ແຂວງ ຊຽງຂວາງໃນວັນທີ6ມີຖຸນານີ້, ໂດຍທ່ານນາງໃບຄໍາຂັດທິຍະ
ຮອງລັດຖະມົນຕີກະຊວງແຮງງານແລະສະຫວັດດີການສັງຄົມລາວ,ທ່ານຄໍາແສນ ມະນິວົງ ຮອງເຈົ້າແຂວງຊຽງຂວາງ,ທ່ານຫວັງຈ້ຽນຈູນຄະນະພັກກະຊວງກິດຈະການພົນ ລະ ເຮືອນຈີນ, ຮອງຫົວໜ້າປະຈຳການ ຄະນະກຳມະການວຽກງານຜູ້ອາຍຸສູງ ແຫ່ງຊາດຈີນ,ທ່ານ ຈ້າວເຊິນກັງ, ອຸປະທູດແຫ່ງ ສປ ຈີນ ປະຈຳ ສປປລາວ. ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ຈ້າວ ເຊິນ ກັງກ່າວວ່າ,ໃນວັນທີ5 ເມສາ ປີ1996,ສະຖານທູດຈີນປະຈໍາລາວໄດ້ຮ່ວມປົວແປງສີລາຈາລຶກແລະສຸສານຂອງວິລະຊົນຈີນຢູ່ແຂວງຊຽງຂວາງ, ແລະຈາກນັ້ນ20ປີຄືປີ2016, ໃນໂອກາດວັນສ້າງສາຍພົວພັນທາງການທູດລະຫວ່າງສອງປະເທດຄົບຮອບ55ປີ, ລັດຖະບານທັງສອງປະເທດໄດ້ຕົກລົງປັບປຸງສຸສານດັ່ງກ່າວອີກເທື່ອໃໝ່, ເຊິ່ງມາເຖິງມື້ນີ້ກໍໄດ້ ສໍາເລັດຢ່າງຈົບງາມອັນເຮັດໃຫ້ມີສະພາບແວດລ້ອມທີ່ງົດງາມແລະມີຄວາມສະຫງ່າຜ່າເຜີຍຂຶ້ນຕື່ມ.ຈາກການເອົາໃຈໃສ່ແລະຊຸກຍູ້ຮ໋ວມກັນຂອງສອງຊາດ,ສາຍພົວພັນຂອງສອງປະເທດກໍາລັງຢູ່ໃນໄລຍະເບັ່ງບານທີ່ສຸດໃນປະຫວັດສາດ, ມິດຕະພາບທີ່ເປັນມູນເຊື້ອແລະສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໄດ້ລົງສູ່ລວງເລິກຢ່າງບໍ່ຢຸດຢັ້ງ,ປະຊາຊົນສອງປະເທດຮ່ວມກັນສ້າງສາປະຊາຄົມຮ່ວມຊະຕາກໍາທີ່ຕັດແຍກອອກຈາກກັນບໍ່ໄດ້,ພວກຂ້າພະເຈົ້າຈະສືບທອດນໍ້າໃຈຂອງວິລະຊົນ,ແລະຜັນຂະຫຍາຍນ້ຳໃຈມິດຕະພາບລະຫວ່າງສອງປະເທດໃຫ້ໝັ້ນຄົງຂະໜົງແກ່ນ.
ທ່ານນາງໃບຄໍາ ຂັດທິຍະກ່າວວ່າ, ເຖິງວ່າໂຄງການບູລະນະສຸສານລະນຶກເຖິງວິລະຊົນຈີນຢູ່ ສປປ ລາວໄດ້ສຳເລັດ,ແຕ່ພວກເຮົາຍັງຈະໄດ້ສືບຕໍ່ຄຸ້ມຄອງ ແລະ ປົກປັກຮັກສາໃຫ້ເປັນບ່ອນສຶກສາຄົ້ນຄ້ວາຂອງຮຸ່ນໜຸ່ມ,ທັງເປັນບ່ອນສັກກາລະບູຊາ ແລະເປັນສະຖານທີ່ທ່ອງທ່ຽວທາງປະຫວັດສາດຂອງປະຊາຊົນລາວ ແລະ ປະຊາຊົນຈີນ
ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຍຸດທະສາດຮອບດ້ານ ລະຫວ່າງສອງປະເທດ.
ໃນຊຸມປີ 60-70 ຂອງສະຕະວັດທີ 20 ໃນເວລາເຂົ້າຮ່ວມສະໜັບສະໜູນການຕໍ່ສູ້ກູ້ຊາດຂອງປະຊາຊົນລາວບັນນດາເຜົ່າ, ວິລະຊົນຈີນຫຼາຍຮ້ອຍສະຫາຍໄດ້ເສຍສະຫຼະຊິວິດທີ່ມີຄ່າສ້າງມິດຕະພາບຄຽງບ່າຄຽງໄຫຼ່ແລະເປັນສັນຍະລັກແຫ່ງນ້ຳໃຈໄມຕີຈິດທີ່ຍືນຍົງລະຫວ່າງລາວ-ຈີນ. ປັດຈຸບັນນີ້ມີວິລະຊົນຈີນ 215 ສະຫາຍ ຝັງຢູ່ສຸສານຈີນ 3 ແຫ່ງຄືເມືອງໄຊແລະເມືອງນາໝໍ້ແຂວງອຸດົມໄຊເມືອງແປກແຂວງຊຽງຂວາງ.