ຕາມຂ່າວສານຈີນ: ຫວ່າງມໍ່ໆນີ້,ລັດຖະບານໄທໄດ້ນຳໃຊ້ມາດຕະການຕ່າງໆເພື່ອໂຄສະນາ "ການກິນເກືອໜ້ອຍ"ໂດຍຕັ້ງເປົ້າໝາຍຮອດປີ 2025 ຈະເຮັດໃຫ້ປະລິມານການກິນເກືອຂອງຄົນໄທຫຼຸດລົງ 30%.
ບົດລາຍງານຄົ້ນຄວ້າທີ່ເປີດເຜີຍຫຼ້າສຸດຊີ້ໃຫ້ເຫັນວ່າ,ປັດຈຸບັນໃນແຕ່ລະມື້,ຄົນໄທກິນເກືອຫຼາຍເກີນຄວາມຕ້ອງການຂອງຮ່າງກາຍສອງເທົ່າເຊິ່ງເຮັດໃຫ້ຜູ້ເປັນພະຍາດຄວາມດັນເລືອດສູງ, ພະຍາດໝາກໄຂ່ຫຼັງແລະພະຍາດເບົາຫວານສືບຕໍ່ເພີ່ມຂຶ້ນຄືເພີ່ມຈາກ 11 ລ້ານ 5 ແສນຄົນ, 7 ລ້ານ 1 ແສນຄົນແລະ 3 ລ້ານ 5 ແສນຄົນໃນປີ 2009 ຂຶ້ນເປັນ 13 ລ້ານຄົນ, 8 ລ້ານຄົນແລະ 5 ລ້ານໃນປີ 2016.
ແນວໃດກໍດີ,ລັດຖະບານໄທໄດ້ເຫັນເຖິງຄວາມຮ້າຍແຮງຂອງບັນຫານີ້ແລ້ວແລະໄດ້ກຳນົດຍຸດທະສາດຫຼຸດປະລິມານການກິນເກືອແລະໂຊດຽມໃຫ້ໜ້ອຍລົງ. ຂະນະທີ່ກ່ອນໜ້ານີ້ກໍປະກາດໃຊ້ມາດຕະການຕ່າງໆເຊັ່ນຕິດເຄື່ອງໝາຍທາດບຳລຸງໃສ່ຫໍ່ອາຫານເພື່ອໃຫ້ຜູ້ບໍລິໂພກໄດ້ເລືອກອາຫານທີ່ມີທາດເກືອຕ່ຳແລະອື່ນໆ,ແຕ່ບໍ່ຄ່ອຍໄດ້ຜົນເນື່ອງຈາກຂາດມາດຕະການບັງຄັບ.