ໜັງສືພິມສາກົນລາຍວັນຂອງອິນໂດເນເຊຍສະບັບວັນທີ 6 ມິຖຸນານີ້ລາຍງານວ່າ, ກ່ອນໜ້ານີ້ບໍ່ດົນ, ກົມແຜ່ນແພກະຊວງອຸດສາຫະກຳປະເທດຕົນກ່າວວ່າ, ຂະແໜງການຜະລິດເກີບຂອງປະເທດຕົນ ມີອະນາຄົດທີ່ສົດໃສດຍເຫັນໄດ້ຈາກຫວ່າງມໍ່ໆນີ້ ໄດ້ມີວິສາຫະກິດຜະລິດເກີບຕ່າງປະເທດ 5 ແຫ່ງ ເຂົ້າມາລົງທຶນສ້າງໂຮງງານຢູ່ແຂວງຈາວາຕາເວັນອອກ ດ້ວຍມູນຄ່າການລົງທຶນປະມານ 600 ລ້ານໂດລາ ແລະມີຄວາມສາມາດຜະລິດເກີບກິລາແລະເກີບໜັງ 30 ລ້ານຄູ່ຕໍ່ປີ.
ປະເທດອິນໂດເນເຊຍ ມີໂຮງງານຜະລິດເກີບ 396 ແຫ່ງໂດຍສາມາດຜະລິດເກີບໄດ້ 560 ລ້ານຄູ່ຕໍ່ປີ, ແຕ່ວັດຖຸດິບ, ເຄື່ອງປະກອບ ແລະວັດຖຸສຳຮອງສ່ວນຫຼາຍ ຕ້ອງໄດ້ນຳເຂົ້າ. ຈາກນີ້ ລັດຖະບານອິນໂດເນເຊຍຈຶ່ງມີແຜນຈະສ້າງສູນຜະລິດວັດຖຸດິບ ເພື່ອເພີ່ມປະລິມານວັດຖຸດິບໃຫ້ແກ່ການຜະລິດເກີບປະເພດຕ່າງໆໃຫ້ສູງຂຶ້ນ ແລະສາມາດຫຼຸດຜ່ອນການນຳເຂົ້າຕື່ມອີກ.