ກອງປະຊຸມການອະນຸລັກແລະໂຄສະນາເຜີຍແຜ່ມໍລະດົກວັດທະນະທຳຂອງປະເທດຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງໄດ້ຈັດຂຶ້ນຢູ່ເມືອງຄຸນໝິງແຂວງຢຸນນານ ສປ ຈີນໃນວັນທີ 7 ມິຖຸນານີ້ ໂດຍເຈົ້າໜ້າທີ່ຄຸ້ມຄອງມໍລະດົກວັດທະນະທຳ, ຜູ້ຊ່ຽວຊານແລະນັກວິຊາການຈາກ 6 ປະເທດເຊັ່ນ: ຈີນ,ລາວ,ກຳປູເຈຍ,ມຽນມາ,ໄທແລະຫວຽດນາມ ໄດ້ປຶກສາຫາລືກ່ຽວກັບ ການອະນຸລັກແລະໂຄສະນາເຜີຍແຜ່ມໍລະດົກວັດທະນະທຳຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງ ພ້ອມທັງໄດ້ບັນລຸຄວາມເປັນເອກະພາບຕໍ່ "ຂໍ້ລິເລີ່ມຄຸນໝິງ".
ຂໍ້ລິເລີ່ມດັ່ງກ່າວເຫັນວ່າ: ການເລັ່ງບາດກ້າວຂອງການຫັນເປັນອຸດສາຫະກຳ,ການຫັນເປັນຕົວເມືອງແລະໂລກາພິວັດຢ່າງວ່ອງໄວ ໄດ້ເຮັດໃຫ້ການອະນຸລັກມໍລະດົກວັດທະນະທຳຂອງປະເທດຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງປະເຊີນກັບສິ່ງທ້າທາຍແລະໄພຂົ່ມຂູ່ນັບມື້ນັບໜັກໜ່ວງຂຶ້ນ. ສະນັ້ນ, "ຂໍ້ລິເລີ່ມຄຸນໝິງ" ຈຶ່ງເນັ້ນວ່າ: ຂະແໜງການຄຸ້ມຄອງມໍລະດົກວັດທະນະທຳຂອງ 6 ປະເທດຄວນຕັ້ງໜ້າສົ່ງເສີມແລະສະໜັບສະໜູນການອະນຸລັກມໍລະດົກວັດທະນະທຳ,ການຮ່ວມຮ້ອງຂໍຂໍເຂົ້າເປັນມໍລະດົກວັດທະນະທຳໂລກ, ການສຳຫຼວດຄົ້ນຄວ້າບູຮານນະຄະດີແລະອື່ນໆ.
ໃນກອງປະຊຸມ, ພະແນກວັດຖຸບູຮານແຂວງຢຸນນານຍັງໄດ້ເຊັນບົດບັນທຶກຄວາມເຂົ້າໃຈການຮ່ວມມືໃນຂົງເຂດວັດທະນະທຳກັບລາວ ເພື່ອເພີ່ມທະວີການຮ່ວມມືໃນ 5 ຂົງເຂດເຊັ່ນ: ວັດທະນະທຳທີ່ບໍ່ແມ່ນວັດຖຸ ແລະ ຫໍພິພິທະພັນເປັນຕົ້ນ.