ຕາມຂ່າວສານຊິນຮວາ: ວັນທີ 7 ມິຖຸນານີ້,ທ່ານໂມດຕັນ ຮອງເລຂາທິການກອງເລຂາອາຊຽນໄດ້ຢ້ຽມຢາມພະແນກກິລາເຂດປົກຄອງຕົນເອງເຜົ່າຈ້ວງກວາງຊີປະເທດຈີນໂດຍຝ່າຍໄດ້ແລກປ່ຽນຄວາມຄິດເຫັນກ່ຽວກັບເລື່ອງການແຂ່ງລົດສາກົນຈີນ-ອາຊຽນປີ 2017 ແລະມີແຜນການຈະຈັດພິທີປ່ອຍລົດຢູ່ເຂດກວາງຊີລະຫວ່າງເດືອນພະຈິກໂດຍເສັ້ນທາງການແຂ່ງຂັນຈະຜ່ານ 10 ປະເທດໃນອາຊຽນ.
ທ່ານໂມດຕັນກ່າວວ່າ,ປີນີ້ແມ່ນປີຄົບຮອບ 50 ປີແຫ່ງການສ້າງຕັ້ງອາຊຽນແລະກໍແມ່ນ "ປີແຫ່ງການຮ່ວມມືການທ່ອງທ່ຽວຈີນ-ອາຊຽນ"ເຊິ່ງອາຊຽນໃຫ້ຄວາມສຳຄັນຫຼາຍຕໍ່ການຮ່ວມມືແລະແລກປ່ຽນບົດຮຽນກັບຈີນພ້ອມທັງໄດ້ຈັດເອົາການແຂ່ງລົດເຂົ້າໃນການຮ່ວມມືຕ່າງໆທັງຈະສະໜັບສະໜູນແລະຊ່ວຍເຫຼືອການແຂ່ງລົດຄັ້ງນີ້.
ທ່ານລູອີ້ເຫວີນ ຮອງຫົວໜ້າພະແນກກິລາເຂດກວາງຊີກ່າວວ່າ,ການແຂ່ງລົດຄັ້ງນີ້ນອກຈາກການແຂງຂັນແລ້ວ,ຍັງມີແຜນການຢ້ຽມຢາມໂຄງການຮ່ວມມືຈີນ-ອາຊຽນເປັນຕົ້ນມາເລເຊຍແລະອິນໂດເນເຊຍເພື່ອຊຸກຍູ້ການຮ່ວມມືລະຫວ່າງຈີນ-ອາຊຽນໃນຫຼາຍຂົງເຂດໃຫ້ດີກວ່າເກົ່າ.
 |
