ຕາມຂ່າວສານຊິນຮວາ: ວັນທີ 8 ມິຖຸນານີ້,ທ່ານສີຈິ້ນຜີງ ປະທານປະເທດຈີນໄດ້ພົບປະກັບທ່ານອາສຣັຟ ການີ ປະທານາທິບບໍດີອັຟການິສະຖານຢູ່ນະຄອນຫຼວງອາສຕານາປະເທດກາຊັກສະຖານ.
ໂອກາດດັ່ງກ່າວ,ທ່ານສີຈິ້ນຜີງກ່າວວ່າ,ຈີນເດັດດ່ຽວປະຕິບັດນະໂຍບາຍມິດຕະພາບຕໍ່ອັຟການິສະຖານແລະເສີມຂະຫຍາຍບົດບາດຊຸກຍູ້ການສ້າງສັນຕິພາບຄືນໃໝ່ແລະຂະບວນການປອງດອງຂອງອັຟການິສະຖານຢ່າງສ້າງສັນຂະນະດຽວກັນກໍສະໜັບສະໜູນອັຟການິສະຖານເສີມຂະຫຍາຍບົດບາດຊຸກຍູ້ການເຊື່ອມໂຍງເສດຖະກິດແລະການເຊື່ອມໂຍງຂອງພາກພື້ນຫຼາຍ ກວ່າເກົ່າ.
ທ່ານການີກ່າວວ່າ,ອັຟການິສະຖານຂອບໃຈຈີນທີ່ສະໜັບສະໜູນການສ້າງສັນຕິພາບຄືນໃໝ່ແລະຂະບວນການປອງດອງຂອງປະເທດຕົນ,ພ້ອມທັງຈະສຸມໃສ່ເພີ່ມທະວີການຮ່ວມມືກັບດ້ານເສດຖະກິດການຄ້າແລະຄວາມໝັ້ນຄົງກັບຈີນແລະສະແດງຄວາມຊົມເຊີຍຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ເຊິ່ງກໍຫວັງຈະເຊື່ອມໂຍງການພັດທະນາຂອງຕົນເຂົ້າກັບການກໍ່ສ້າງ "ໜຶ່ງແລວທາງໜຶ່ງເສັ້ນທາງ"ພ້ອມທັງຈະຕັ້ງໜ້າເຂົ້າຮ່ວມການຮ່ວມມືໃນການເຊື່ອມໂຍງການຄົມມະນາຄົມຂົນສົ່ງແລະອື່ນໆ.